پرەزيدەنتكە قازاقستاننىڭ بريكس قۇرىلىمىنا كٸرۋ مٷمكٸندٸگٸن قاراستىرۋ تۋرالى ۇسىنىستار تٷستٸ. بۇل تۋرالى پرەزيدەنتتٸڭ كەڭەسشٸسٸ - پرەزيدەنتتٸڭ باسپاسٶز حاتشىسى بەرٸك ۋەلي Tengrinews.kz سايتىنا بەرگەن سۇحباتىندا ايتتى, - دەپ حابارلايدى Dalanews.kz.
مەملەكەت باسشىسى بۇل ۇسىنىستى قازاقستاننىڭ ۇلتتىق مٷددەسٸ تۇرعىسىنان مۇقييات قاراستىرۋدا.
- جۋىردا (23-24 قازان كٷندەرٸ) قازان قالاسىندا بريكس سامميتٸ ٶتەدٸ. بٸزگە بەلگٸلٸ بولعانداي, اتالعان قۇرىلىمعا تٶراعالىق ەتٸپ وتىرعان رەسەي پرەزيدەنتٸ ۆلاديمير پۋتين قاسىم-جومارت توقاەۆتى فورۋمعا قوناق رەتٸندە شاقىرعان.
- پرەزيدەنتتٸڭ جۇمىس كەستەسٸندە ونىڭ بريكس سامميتٸنە قاتىسۋى قاراستىرىلعانى راس. مەملەكەت باسشىسى 24 قازان كٷنٸ قۇرىلىمنىڭ "اۋتريچ" فورماتىنداعى كەڭەيتٸلگەن قۇرامدا ٶتەتٸن جيىنىندا سٶز سٶيلەيدٸ.
– ەزەربايجان مەن بەلارۋس بريكس قۇرامىنا كٸرۋ ٷشٸن ٶتٸنٸم بەرٸپ قويدى. سونىمەن قاتار تمد-نىڭ ٶزگە ەلدەرٸ دە ىنتا بٸلدٸرگەن بولۋى مٷمكٸن. قازاقستاننىڭ بريكس-كە قاتىستى ۇستانىمى قانداي? بٸزدٸڭ ەلٸمٸز اتالعان حالىقارالىق قۇرىلىمعا مٷشە بولۋدى جوسپارلاپ وتىرعان جوق پا?
- قازاقستان بريكس-تٸڭ دامۋ ەۆوليۋتسيياسىن قىزىعۋشىلىقپەن مۇقييات باقىلاپ وتىر. بٸزدٸڭ ەلٸمٸز وسى قۇرىلىمنىڭ نەگٸزٸن قالاعان مەملەكەت باسشىلارىنىڭ قانداي دا بٸر الپاۋىت دەرجاۆانىڭ گەگەمونيياسىنان ازات, ەدٸلەتتٸ ەرٸ دەموكراتييالىق ەلەمدٸك تەرتٸپ قۇرۋ تۋرالى باستاماسىن قولدايدى.
پرەزيدەنتكە قازاقستاننىڭ بريكس قۇرىلىمىنا كٸرۋ مٷمكٸندٸگٸن قاراستىرۋ تۋرالى ۇسىنىستار تٷستٸ. حالىقارالىق قاۋىمداستىقتىڭ جاۋاپتى جەنە بەدەلدٸ مٷشەسٸ رەتٸندە بٸزدٸڭ ەلٸمٸزگە مۇنداي ۇسىنىستىڭ تٷسۋٸ قالىپتى دٷنيە.
بۇل ۇسىنىستى مەملەكەت باسشىسىنىڭ ٶزٸ مۇقييات قاراستىرىپ وتىر جەنە ونىڭ تاپسىرماسى بويىنشا تيٸستٸ ۆەدومستۆولار قازاقستاننىڭ ۇلتتىق مٷددەلەرٸ تۇرعىسىنان تالداۋ جٷرگٸزٸپ جاتىر.
ەلٸمٸز قۇرىلىمعا مٷشە بولۋعا جەنە وسى بٸرلەستٸكتٸڭ دامۋ پەرسپەكتيۆالارىنا قاتىستى باسقا دا مەسەلەلەردٸ قاراۋدىڭ كٶپ ساتىلى پروتسەسٸن ەسكەرە وتىرىپ, قازٸر جەنە جاقىن بولاشاقتا بريكس-كە مٷشە بولۋعا ٶتٸنٸش بەرۋدەن قالىس قالادى.
- مۇنداي جاعدايدا قازاق ديپلوماتيياسى قاي ۇيىمعا باسىمدىق بەرمەك?
- پرەزيدەنت بۇعان دەيٸن بٸرنەشە رەت بۇۇ-نى ەلەمدەگٸ ەمبەباپ ەرٸ بالاماسى جوق ۇيىم رەتٸندە اتاعان بولاتىن. سونداي-اق وسى ۇيىمدا بارلىق ٶزەكتٸ حالىقارالىق پروبلەمالاردى, سونىڭ ٸشٸندە ەدٸلەتتٸ ەلەمدٸك تەرتٸپ قۇرۋعا قاتىستى مەسەلەلەردٸ تالقىلاۋ كەرەك دەگەن ۇستانىمىن بٸلدٸرگەنٸ جۇرتشىلىققا مەلٸم.
- الايدا بۇۇ قاۋقارسىز ۇيىمعا اينالدى دەگەن پٸكٸر دە جوق ەمەس قوي...
- پرەزيدەنتتٸڭ پٸكٸرٸنشە, بۇۇ دا كەمشٸلٸكسٸز ەمەس. بٸراق دەل سونداي باسقا ۇيىم جوق. سوندىقتان بۇۇ-عا ەلەمدٸك قاۋىمداستىقتىڭ قولداۋى اۋاداي قاجەت.
بۇۇ جارعىسى حالىقارالىق قۇقىقتىڭ نەگٸزٸ بولۋى كەرەك جەنە بۇل ٸرگەلٸ قۇجاتتا بەكٸتٸلگەن قاعيدالاردى بۇزۋعا ەشكٸمنٸڭ قاقىسى جوق.
پرەزيدەنت بۇۇ قاۋٸپسٸزدٸك كەڭەسٸنٸڭ ماڭىزدى ەرٸ تاعدىرشەشتٸ شەشٸم قابىلداۋ ٸسٸندە دەرمەنسٸزدٸك تانىتىپ وتىرعانىنا ٶكٸنٸش بٸلدٸرگەن بولاتىن. سوندىقتان مەملەكەت باسشىسى "ورتا دەرجاۆالاردىڭ" مٷددەلەرٸن ەسكەرە وتىرىپ, بۇۇ-عا مٷشە مەملەكەتتەردٸڭ كەڭ اۋقىمدى كونسۋلتاتسييالارى نەگٸزٸندە بۇۇ قاۋٸپسٸزدٸك كەڭەسٸن رەفورمالاۋدى باستاۋ قاجەت دەپ ەسەپتەيدٸ.
