پرەزيدەنت قاسىم-جومارت توقايەۆ ۇكىمەتتى نەلىكتەن وتستاۆكاعا جىبەرگەنىن ءتۇسىندىردى، - دەپ حابارلايدى Dalanews.kz.
مەملەكەت باسشىسىنىڭ سوزىنشە، وزگەرىستەردى حالىق تا كۇتىپ وتىر.
"ۇكىمەت جاڭا، ماڭىزدى ءرول اتقارۋى، جەدەل شەشىم قابىلداۋى، پارمەندى قادامدار جاساۋى ءتيىس. حالقىمىزدىڭ يگىلىگى ءۇشىن ەكونوميكانى ءارتاراپتاندىرۋدى ىنتالاندىرۋعا باعىتتالعان باتىل بەرىك شەشىمدەر قابىلداۋ قاجەت. ءبىز جاڭا قيىندىقتارعا توتەپ بەرە ءبىلۋىمىز كەرەك، ۇكىمەت بۇعان دايىن بولۋى كەرەك.
ۇكىمەتتىڭ قىزمەتىنە جاڭا سەرپىن بەرۋ كەرەك، ونى جۇرتشىلىق تا كۇتىپ وتىر. وسى سەبەپتى مەن ءاليحان سمايىلوۆتىڭ وتستاۆكاعا كەتۋ تۋرالى ءوتىنىشىن قابىلدادىم. ۇكىمەت ونىڭ باسشىلىعىمەن بارلىق سالادا تۇراقتىلىقتى قامتاماسىز ەتتى"، - دەدى توقايەۆ.
