پرەزيدەنت باتىس باعىتتاعى جول قۇرىلىستارىن جەدەلدەتۋدى تاپسىردى. بۇل تۋرالى پرەزيدەنتتىڭ باسپا ءسوز حاتشىسى رۋسلان جەلدىباي مالىمدەدى، دەپ حابارلايدى Dalanews.kz
"مەملەكەت باسشىسى ۇكىمەتكە «تورعاي – ىرعىز» جانە باتىس وڭىرىنە باعىتتالعان وزگە دە اۆتوكولىك جولدارىنىڭ قۇرىلىسىن جەدەلدەتۋدى تاپسىردى"، - دەپ جازدى رۋسلان جەلدىباي.
ايتا كەتەيىك، اۆتوجول قۇرىلىسى 2025 جىلدىڭ 14 ماۋسىمىندا باستالعان بولاتىن. جاڭا باعىتتىڭ ارقاسىندا استانا مەن ىرعىز اراسىنداعى اراقاشىقتىق 573 شاقىرىمعا قىسقارادى.
قۇرىلىس جۇمىستارى ءبىر ۋاقىتتا ەكى نۇكتەدە – قوستاناي وبلىسىنىڭ ارقالىق قالاسى مەن جانكەلدين اۋدانىنا قاراستى تورعاي اۋىلىندا باستالدى. قۇرىلىس "استانا – جانتەكە – ەگىندىكول – ارقالىق – تورعاي – ىرعىز" باعىتى بويىنشا جۇرگىزىلىپ جاتىر. جولدىڭ جالپى ۇزىندىعى – 865 شاقىرىم.
