Prezıdent batys baǵyttaǵy jol qurylystaryn jedeldetýdi tapsyrdy. Bul týraly Prezıdenttiń Baspasóz hatshysy Rýslan Jeldibaı málimdedi, dep habarlaıdy Dalanews.kz
"Memleket basshysy Úkimetke «Torǵaı – Yrǵyz» jáne batys óńirine baǵyttalǵan ózge de avtokólik joldarynyń qurylysyn jedeldetýdi tapsyrdy", - dep jazdy Rýslan Jeldibaı.
Aıta keteıik, avtojol qurylysy 2025 jyldyń 14 maýsymynda bastalǵan bolatyn. Jańa baǵyttyń arqasynda Astana men Yrǵyz arasyndaǵy araqashyqtyq 573 shaqyrymǵa qysqarady.
Qurylys jumystary bir ýaqytta eki núktede – Qostanaı oblysynyń Arqalyq qalasy men Jankeldın aýdanyna qarasty Torǵaı aýylynda bastaldy. Qurylys "Astana – Jánteke – Egindikól – Arqalyq – Torǵaı – Yrǵyz" baǵyty boıynsha júrgizilip jatyr. Joldyń jalpy uzyndyǵy – 865 shaqyrym.
