مەملەكەت باسشىسى ۇلىتاۋ وبلىسىنداعى «قازاقمىس» كورپوراسياسىنا قاراستى كەنىشتە ورىن العان قايعىلى وقيعاعا بايلانىستى ەڭبەك قاۋىپسىزدىگى سالاسىندا قاتاڭ ساقتالۋعا ءتيىس جاعدايلارعا نازار اۋداردى، دەپ حابارلايدى Dalanews.kz.
بەكىتىلگەن تالاپتاردىڭ ورەسكەل بۇزىلعان فاكتىلەرى بار. نىسانداردىڭ ونەركاسىپتىك قاۋىپسىزدىك جۇيەسىمەن جابدىقتالۋ دەڭگەيى وتە تومەن.
كومپانيالار ەڭبەك قاۋىپسىزدىگىن قامتاماسىز ەتۋگە باعىتتالعان جوبالارعا ءتيىستى مولشەردە ينۆەستيسيا سالمايدى. مۇنىڭ بارلىعى تەحنوگەندى اپاتتارعا، جۇمىسشىلاردىڭ قازا تابۋى مەن جاراقات الۋىنا اكەپ سوقتىرادى.
پرەزيدەنت قاتەرلى ءوندىرىس ورىندارىندا جۇمىس ىستەيتىن ازاماتتاردىڭ قاۋىپسىزدىگىن قامتاماسىز ەتۋ بويىنشا ۇكىمەتكە تومەندەگىدەي شارالار قابىلداۋدى تاپسىردى:
- نىسانداردا ونەركاسىپتىك قاۋىپسىزدىك نورمالارىنىڭ ساقتالۋىنا قاتىستى تەكسەرۋ جۇرگىزۋ؛
- اتالعان نىساندارعا زاماناۋي قاۋىپسىزدىك جۇيەسىن، سونىڭ ىشىندە گاز بەلگى بەرۋ قۇرىلعىلارىن، سەيسميكالىق قوندىرعىلارىن، پوزيسيونيرلەۋ جۇيەسىن جانە تاعى باسقا ءتيىستى ادىس-تاسىلدەردى ازىرلەۋ مەن ەنگىزۋ؛
- بولجاۋ مەن قۇلاقتاندىرۋدىڭ اۆتوماتتاندىرىلعان جۇيەسىن ەنگىزە وتىرىپ، نىسانداردى سيفرلاندىرۋ؛
- تەكسەرۋ قورىتىندىسى بويىنشا جەر قويناۋىن پايدالانۋشىلاردىڭ جۇمىس باعدارلامالارىنا تۇزەتۋلەر ەنگىزىپ، زاماناۋي ونەركاسىپتىك قاۋىپسىزدىك جۇيەسىنە سالىناتىن ينۆەستيسيا كولەمىن ۇلعايتۋ جولىن قاراستىرۋ؛
- ونەركاسىپتىك قاۋىپسىزدىك سالاسىنداعى باقىلاۋ مەن قاداعالاۋ تەتىكتەرىن قاتاڭداتۋ.
مەملەكەت باسشىسىنىڭ بۇل تاپسىرمالارىن پرەزيدەنت اكىمشىلىگى ەرەكشە باقىلاۋدا ۇستايدى.
