مەملەكەت باسشىسى قاسىم-جومارت توقايەۆ ماڭعىستاۋدى گازبەن قامتۋ جاعدايىنا ەرەكشە نازار اۋدارعان بولاتىن. 2021 جىلدىڭ قىركۇيەگىندەگى وبلىسقا جۇمىس ساپارى بارىسىندا پرەزيدەنت سارشا اۋماعىنان باستاپ “جىلى جاعاجاي” اۋماعىنا دەيىن گاز قۇبىرىن تارتۋ وسى اۋماقتا ورنالاسقان قۇرىق ەلدى-مەكەنىن جانە ونداعى وندىرىستىك، كۋرورتتىق نىساندارداردى دا گازداندىرۋعا مۇمكىندىك بەرەتىنىن اتاپ وتكەن ەدى. بۇل ءوز كەزەگىندە ءوڭىردىڭ ەكونوميكالىق دامۋى مەن تۋريستىك الەۋەتىنىڭ گۇلدەنۋىنە تىڭ سەرپىن بەرەتىنى جوبا.
مەملەكەت باسشىسىنىڭ تاپسىرماسىنا سايكەس، اعىمداعى جىلدىڭ تامىز ايىندا ماڭعىستاۋ وبلىسىنداعى قۇرىق اۋىلىنان سارشا ەلدى-مەكەنىنە دەيىن گاز قۇبىرىن تارتۋ جۇمىستارى باستالدى.
ءقازىردىڭ وزىندە 7 شاقىرىم قۇبىر تارتىلىپ، قۇرىلىس-مونتاج جۇمىستارى توقتاۋسىز جۇرۋدە. قۇرىلىس الاڭىنا 9170 مەتر پلاستيك قۇبىرلار جەتكىزىلىپ، 11500 مەتر جەر استى قازۋ جۇمىستارى قولعا الىنعان. جوبانىڭ تاپسىرىس بەرۋشىسى – "قازترانسگازايماق" اق، باس مەردىگەرى – «قاعام» ج ش س.
جوبا 2023 جىلدىڭ ءساۋىر ايىندا اياقتالادى دەپ جوسپارلانعان.
