Memleket basshysy Qasym-Jomart Toqaev Mańǵystaýdy gazben qamtý jaǵdaiyna erekshe nazar aýdarǵan bolatyn. 2021 jyldyń qyrkúiegindegi oblysqa jumys sapary barysynda Prezident Sarsha aýmaǵynan bastap “Jyly jaǵajai” aýmaǵyna deiin gaz qubyryn tartý osy aýmaqta ornalasqan Quryq eldi-mekenin jáne ondaǵy óndiristik, kýrorttyq nysandardardy da gazdandyrýǵa múmkindik beretinin atap ótken edi. Bul óz kezeginde óńirdiń ekonomikalyq damýy men týristik áleýetiniń gúldenýine tyń serpin beretini joba.
Qazirdiń ózinde 7 shaqyrym qubyr tartylyp, qurylys-montaj jumystary toqtaýsyz júrýde. Qurylys alańyna 9170 metr plastik qubyrlar jetkizilip, 11500 metr jer asty qazý jumystary qolǵa alynǵan. Jobanyń tapsyrys berýshisi – "QazTransGazAimaq" AQ, bas merdigeri – «Qaǵam» JShS.
Joba 2023 jyldyń sáýir aiynda aiaqtalady dep josparlanǵan.
