9 ناۋرىز تاڭەرتەڭ نۇر-سۇلتان مەن الماتىداعى اقشا ايىرباستاۋ پۋنكتەرٸندە دوللار 397 تەڭگەدەن ساتىلا باستاعان. كەيٸن تٷس اۋا نۇر-سۇلتان مەن الماتىداعى كەيبٸر اقشا ايىرباستاۋ ورىندارى دوللار ساتۋدى توقتاتتى. دٷيسەنبٸ – ەلدە جۇمىس كٷنٸ ەمەس (8 ناۋرىزداعى مەرەكە جەكسەنبٸگە كەلگەندٸكتەن دٷيسەنبٸ دەمالىس دەپ جارييالانعان), سوندىقتان قازاقستان قارجى فوندىندا ۆاليۋتالىق ساۋدا جٷرٸپ جاتقان جوق.
پرەزيدەنت ٷكٸمەتكە, ۇلتتىق بانككە جەنە باسقا دا مەملەكەتتٸك ورگاندارعا بٸرقاتار ناقتى تاپسىرما بەردٸ.
باستى تاپسىرما – مەملەكەتتٸڭ حالىق الدىنداعى بارلىق ەلەۋمەتتٸك مٸندەتتەمەلەرٸن تولىق كٶلەمدە ورىنداۋ. قاسىم-جومارت توقاەۆتىڭ تاپسىرماسى بويىنشا, پرەمەر-مينيستردٸڭ تٸكەلەي باسشىلىعىمەن شۇعىل ەرەكەت ەتۋ شتابى قۇرىلدى.
داعدارىسقا قارسى ٸس-قيمىلدار جوسپارى ەزٸرلەنەدٸ, ٸرٸ كەسٸپورىنداردا حالىقتى جۇمىسپەن قامتۋعا قولداۋ كٶرسەتۋ جٶنٸندە ارنايى جوسپار دايىندالادى. پرەزيدەنت حالىقتى مٷمكٸندٸگٸنشە كٶبٸرەك جۇمىسپەن قامتۋ مەسەلەسٸن اسا ماڭىزدى دەپ سانايدى.
ٷكٸمەت 2020-2022 جىلدارعا ارنالعان رەسپۋبليكالىق بيۋدجەتتٸ ناقتىلاۋ جٶنٸندە ۇسىنىس ەنگٸزەدٸ. مەملەكەت باسشىسى بيۋدجەت شىعىندارىن قىسقارتۋ, ٶڭٸرلەردە حالىقتى جۇمىسپەن قامتاماسىز ەتۋ, ەلٸمٸزدٸڭ قارجى-ۆاليۋتالىق نارىعىن تۇراقتاندىرۋ, رەسپۋبليكالىق جەنە جەرگٸلٸكتٸ بيۋدجەتتەردٸ وڭتايلاندىرۋ بويىنشا شارالار قابىلداۋ قاجەتتٸگٸن ايتتى.
كەيٸن توقاەۆ Twitter پاراقشاسىندا شتابتى پرەمەر-مينيستر اسقار مامين باسقاراتىنىن, مەملەكەت قوسىمشا جۇمىس ورىندارى اشىلاتىنىن جازدى.
ٶتكەن اپتانىڭ سوڭىندا ۆەنادا وپەك, ساۋد ارابيياسى جەنە رەسەي مۇناي باعاسىن ۇستاپ تۇرۋ ٷشٸن ٶندٸرٸستٸ ازايتۋعا كەلٸسسٶز جٷرگٸزگەن. بٸراق ۆەناداعى جيىندا تاراپتار كەلٸسە المادى. كرەمل وپەك ۇسىنىسىن قولدامادى. وسىدان سوڭ ساۋد ارابيياسى "باعا سوعىسىن" باستاپ, ازييا ٷشٸن مۇناي باعاسىن باررەلٸنە ٷش-تٶرت دوللارعا, اقش ٷشٸن جەتٸ دوللارعا دەيٸن تٷسٸرٸپ جٸبەردٸ.
دٷيسەنبٸدە رەسەي رۋبلٸ دە 2016 جىلعى رەكوردتىق دەڭگەيٸنە تٷسٸپ, بٸر دوللار 72,72 رۋبل بولدى.
9 ناۋرىزدا Brent ماركالى مۇناي باررەلٸنە 36 دوللاردان ساتىلىپ جاتىر. 2014 جىلعى ساۋدا سوعىسى كەزٸندە بۇل برەند باعاسى 30 دوللارعا دەيٸن قۇلدىراعان. مۇناي باعاسىنىڭ تٷسۋٸنەن رەسەيدە بيۋدجەت دەفيتسيتٸ بولىپ, رۋبل ارزانداۋى مٷمكٸن.
رەسەي ەكونوميكاسىنىڭ قازاقستان ەكونوميكاسىنا ىقپالى بار. سەبەبٸ قازاقستان رەسەيدٸڭ ەكونوميكالىق سەرٸكتەسٸ ەرٸ مەسكەۋ باسقاراتىن ەۋرازييالىق ەكونوميكالىق وداققا كٸرەدٸ. بۇدان بٶلەك, مۇناي قازاقستان ەكونوميكاسىنىڭ نەگٸزگٸ تابىس كٶزٸ سانالادى. مۇناي باعاسى قۇلدىراسا, تەڭگە قۇنسىزدانىپ, دوللارعا شاققانداعى قۇنى كٶتەرٸلٸپ كەتەدٸ. وسىنىڭ سالدارىنان ەلدە ازىق-تٷلٸك باعاسى دا ٶسە باستايدى.
