بٷگٸنگٸ عىلىم جەنە تەحنولوگييالار جٶنٸندەگٸ ۇلتتىق كەڭەستٸڭ جيىنىندا پرەزيدەنت جۇرتتىڭ قارجىلىق, اقپاراتتىق, تسيفرلىق جەنە باسقا دا سالاداعى ساۋاتىن ارتتىرۋ مەسەلەسٸن كٶتەردٸ, دەپ حابارلايدى Dalanews.kz اقورداعا سٸلتەمە جاساي وتىرىپ.
"عالىمدار ەردايىم جاسامپازدىق جارشىسى بولۋعا تيٸس. قازٸر ەلەۋمەتتٸك جەلٸ ارقىلى حالىققا اقىل ايتاتىندار كٶبەيٸپ كەتتٸ. ولاردىڭ اراسىندا جالعان اقپارات تاراتىپ, جۇرتتى اداستىراتىن ادامدار از ەمەس. وسىنداي ساناسىز, پيعىلى ارام ادامداردىڭ تەرٸس ىقپالىنا تٷسٸپ, كەيبٸر جاستار عالامتوردا نەشە تٷرلٸ ٶسەك نەمەسە حالىقتى ارانداتۋدى كٶزدەيتٸن ماتەريالدار جازا باستادى. بٸراق وسى جەردە بٸر مەسەلە بار. تيٸستٸ مەكەمەلەر زاماناۋي تەحنولوگييالاردى پايدالانا وتىرىپ, وسىنداي دەسترۋكتيۆتٸ جازبالاردى جازاتىن ادامداردىڭ اتى-جٶنٸن, تۇراتىن جەرٸن, بەرٸن انىقتاپ الىپ جاتىر. ولار جاس بولعاننان كەيٸن ەزٸرگە تٷسٸندٸرۋ جۇمىسى جٷرگٸزٸلۋدە. بٸراق مۇنداي ەرەكەتتەر جالعاسا بەرسە, تيٸستٸ مەكەمەلەر زاڭ مەن تەرتٸپ تۇجىرىمداماسىن ورىنداۋ ٷشٸن باسقا شارا قولدانۋعا مەجبٷر بولادى. مۇنداي سەتتە عالىمدار ٷنسٸز قالماۋى كەرەك, جاستار اراسىندا, جالپى قوعامدا جان-جاقتى اعارتۋ جۇمىسىن جٷرگٸزۋٸ كەرەك. ٷكٸمەت پەن ەكٸمدەردٸڭ قىزمەتٸندە ولقىلىق مٷلدەم جوق دەپ ەشكٸم ايتپايدى, بٸراق ولار تۋرالى پٸكٸر ايتقان كەزدە حالىقتى ارانداتپاي, قوعامدى شۋلاتپاي, سالماقتى جەنە سانالى پٸكٸر ايتۋ قاجەت. ەلٸمٸزدٸڭ تۇراقتىلىعى, بۇل – ەڭ ماڭىزدى باسىمدىق. كەز كەلگەن مەسەلە جايلى قوعامدىق پٸكٸر بٸلٸكتٸ مامانداردىڭ كٶزقاراسى نەگٸزٸندە قالىپتاسۋى كەرەك", – دەدٸ پرەزيدەنت.
وسى رەتتە مەملەكەت باسشىسى عالىمداردىڭ اعارتۋشىلىق ميسسيياسىنا ەرەكشە نازار اۋداردى.
"سٸزدەر ەر سالانى تەرەڭ بٸلەسٸزدەر. اتقارىلىپ جاتقان جۇمىستىڭ مەن-جايىن جاقسى تٷسٸنەسٸزدەر. سونى جاستارعا ايتىپ جەتكٸزۋ كەرەك. ولاردىڭ بويىندا ەلەۋمەتتٸك وپتيميزم قالىپتاستىرۋ ٶتە ماڭىزدى. زامان كٷردەلٸ بولسا دا, بٸزدٸڭ باعىتىمىز – دۇرىس. ەلٸمٸز قيىندىقتىڭ بەرٸن ەڭسەرٸپ, ٷزدٸكسٸز دامىپ كەلەدٸ. بەس جىلدا قازاقستاننىڭ ٸشكٸ جالپى ٶنٸمٸ 181 ميللياردتان 291 ميلليارد دوللارعا كٶبەيدٸ. بيىلعى 8 ايدىڭ ٶزٸندە ەكونوميكامىز 6,5 پايىزعا ٶستٸ. ەلٸمٸزدٸڭ حالىقارالىق رەزەرۆٸ مەن ۇلتتىق قوردىڭ اكتيۆٸ 116 ميلليارد دوللاردان استى. سونىڭ ٸشٸندە حالىقارالىق رەزەرۆٸمٸز رەكوردتىق دەڭگەيگە جەتٸپ, 54,6 ميلليارد دوللار بولدى. مۇنىڭ بەرٸن باسقا مەملەكەتتەر, بەدەلدٸ ۇيىمدار كٶرٸپ وتىر, مويىنداپ جاتىر. مىسالى, Standard and Poor’s اگەنتتٸگٸ بۇعان دەيٸن ەلٸمٸزدٸڭ دامۋىن "تۇراقتى" دەپ بولجاپ كەلدٸ. ەندٸ "جاعىمدى" دەگەن بولجام جاساۋدا. "سىرت كٶز – سىنشى". ەلەم قاۋىمداستىعىنىڭ قازاقستانعا دەگەن سەنٸمٸ بٸزدٸڭ دۇرىس جولمەن كەلە جاتقانىمىزدى كٶرسەتەدٸ. الايدا حالىقارالىق رەيتينگتەردە جوعارى ورىن يەلەنۋ – بٸز ٷشٸن ماقسات ەمەس, ونىڭ ٷستٸنە بۇل توقمەيٸلسۋگە سەبەپ بولا المايدى. بٸز مۇنى تٷسٸنۋٸمٸز كەرەك. بٸزدٸڭ باستى مٸندەتٸمٸز – حالىقتىڭ ەل-اۋقاتىن ۇدايى ارتتىرۋ جەنە ەلٸمٸزدٸڭ بەسەكەگە قابٸلەتتٸلٸگٸن كٷشەيتۋ. دەل سول سەبەپتٸ بٸز قيىن دا كٷردەلٸ ٶزگەرٸستەر ارقىلى رەفورمالار جٷرگٸزەمٸز. بۇل وڭاي جول ەمەس. ەلٸمٸزدٸ باسقاشا ٶركەندەتە المايمىز. بەرٸمٸزدٸڭ ماقسات-مٷددەمٸز – بٸر. بۇل – ەدٸلەتتٸ, قۋاتتى, تازا ەرٸ قاۋٸپسٸز قازاقستاندى قۇرۋ. بۇل ٸسكە عالىمدار قاۋىمى مول ٷلەس قوسادى دەپ سەنەمٸن", – دەدٸ مەملەكەت باسشىسى.
بۇعان دەيٸن ٶز سۇقباتىندا تانىمال قاجىگەر عالىم قۇسايىنوۆتىڭ فيليالدارى, نەسيە مەنەدجەرلەرٸ جەنە كاسسالارى بار بٸزگە تانىس بانك ەلەمٸ سوڭعى جىلدارىن باستان كەشٸپ جاتىر, بۇل ەشقانداي الىپ-قاشپا سٶز ەمەس, ايقىن فاكتٸلەر, وندا دا ٷش قۋاتتى درايۆەر رەتٸندە تسيفرلىق تەڭگە, جاساندى ينتەللەكت (AI) جەنە بالامالى قارجى قۇرالدارى سيپاتىندا بٷگٸندەرٸ قالىپتاسىپ جاتقان جاڭا لاندشافت بانكتەردٸ تٷبەگەيلٸ ٶزگەرتۋگە نەمەسە قازٸرگٸ كٷيٸندەگٸسٸن ساحنادان كەتۋگە مەجبٷر ەتەدٸ دەپ ايتقانىن جازعانبىز.
