– پرەزيدەنتتىڭ شەشىمتال ارەكەتتەرى ەلدە تۇراقسىزدىق ورناتۋ تۋرالى جسپاردى بۇزدى. ونىڭ ىشىندە ۇجىمدىق قاۋىپسىزدىك تۋرالى شارت ۇيىمىنىڭ بىتىمگەرلىك كونتينگەنتىن شاقىرۋ شەشىمى دە بار. بۇل ءسوزسىز. بۇل جەردە مەن كەيبىر «ساراپشىلاردىڭ» اراسىندا ءتۇرلى سپەكۋلياسيالاردى كورىپ وتىرمىن، – دەدى ەرلان قارين «حابار 24» تەلەارناسىنا بەرگەن سۇحباتىندا.
ونىڭ ايتۋىنشا، قازاقستاندا بولىپ جاتقان جاعدايدى سىرتتان تون ءپىشىپ، ەسكى ستەرەوتيپتەرمەن باعالاۋ ءۇردىسى بايقالىپ وتىر.
– وكىنىشكە قاراي، ولار بۇل وقيعالاردى ترافارەت بويىنشا باعالاۋدا. ەسكى شابلونمەن باعالاۋ ارقىلى قوعام پىكىرىنە مانيپۋلياسيا ءجۇرىپ جاتىر. قالىپتاسىپ قالعان ستەرەوتيپتەر ارقىلى بەيبىت قارسىلىقتار مەن اكسيالاردىڭ اياسىنداعى جاپپاي تارتىپسىزدىك دەپ كورسەتۋگە تىرىسۋدا. ونىڭ ۇستىنە ۇقشۇ بىتىمگەرلىك كونتينگەنتىن شاقىرۋ تاقىرىبىن ۋشىقتىرىپ جاتىر. ءبىراق وتە شەتىن احۋال بولعان ەدى. مەملەكەتتىڭ تۇتاستىعىن ساقتاۋ بويىنشا سونشالىق شەتىن احۋال تۋىنداعان بولاتىن، – دەدى مەملەكەتتىك حاتشى.
