قوستانايدىڭ №2 قالالىق سوتىندا بۇرىنعى جولسەرىكتەر قولقانات قۇرمانياز بەن جەتەس ۇمبەتالييەۆكە شىعارىلعان ۇكىم قايتا قارالىپ، وزگەرىسسىز قالدى. سوت قىلمىسكەرلەردىڭ قورعاۋشىلارىنىڭ شاعىمدارىن قارادى.
«قوستاناي قالالىق №2 سوتىنىڭ ۇكىمىمەن № 6 ۆاگونداعى جولاۋشىنى زورلاعان ق. قۇرمانياز بەن ج. ۇمبەتالييەۆ ق ر قك 120-بابى بويىنشا كىنالى دەپ تانىلىپ، ءارقايسىسى 5 جىلعا باس بوستاندىعىنان ايىرىلدى. سوت القاسى قابىلدانعان شەشىمنىڭ نەگىزدىلىگى مەن زاڭدىلىعىنا بايلانىستى ءبىرىنشى ساتىداعى سوتتىڭ ۇكىمىمەن كەلىستى. سوتتالۋشىلاردىڭ كىناسى جابىرلەنۋشىنىڭ ايعاقتارىمەن دالەلدەندى.
ج. ۇمبەتالييەۆ الدىن الا قىلمىس جاساۋ ورنى مەن جاعدايلارىن دايىنداپ، كۋپەدەگى باسقا ادامداردى شىعارىپ جىبەرگەن.
جابىرلەنۋشىنىڭ ايعاقتارى سوتتا جانە سوت تەرگەۋى بويى تۇراقتى بولدى، ءىس ماتەريالدارىمەن، ساراپتاما قورىتىندىسىنىڭ ناتيجەلەرىمەن تولىق سايكەس كەلەدى. جولسەرىكتەرگە جازا ءىستىڭ بارلىق ءمان-جايلارىن ەسكەرە وتىرىپ، باپتىڭ سانكسياسى شەگىندە تاعايىندالعان»، - دەدى وبلىستىق سوتتىڭ باسپا ءسوز قىزمەتىندەگىلەر.
ەسكە سالا كەتەيىك، «نەمولچيKZ» قوعامدىق قورىنىڭ باسشىسى دينا سمايلوۆانىڭ Facebook پاراقشاسىندا جازۋىنشا، 26 قىركۇيەك كۇنى كەشكى ساعات 10-دار شاماسىندا بويجەتكەن «تالگو» پويىزىنىڭ كۋپەسىنە وتىرادى. كۋپە ىشىندە ءبىر ەر ادام بولعان. زاتتارىن قويىپ، پويىز مەيرامحاناسىنىڭ اسحاناسىنان تاماقتانىپ كەلنەن كەزىندە كۋپە ىشىندە ارنايى فورما كيمەگەن جولسەرىك وتىرادى. ول اۋەلگى ەر ادامدى باسقا كۋپەگە اۋىستىرىپ جىبەرگەنىن ايتادى. قىز ۇيقىسى كەلگەنىن ءتۇسىندىرىپ، جولسەرىكتەن كۋپەدەن شىعۋىن وتىنەدى. سىرا ءىشىپ وتىرعان جولسەرىك تەك جارتى ساعاتتان سوڭ شىعىپ كەتكەن. الايدا تاڭعى ساعات 04:00 شاماسىندا جولسەرىك بويجەتكەن جاتقان كۋپەگە ءوز كىلتى ارقىلى اشىپ كىرەدى. مۇنان سوڭ ارام ويىن ىسكە اسىرادى. ىزىنشە ەكىنشى جولسەرىك تە كەلىپ، بويجەتكەندى زورلاعان.
