"پومپەومەن كەزدەسۋدەن كەيٸن ٶزبەكستان پرەزيدەنتٸ شاۆكات ميرزيياەۆ بۇدان بۇرىن جوسپارلانعان مەسكەۋ ساپارىنان اينىپ قالدى", – دەپ جازادى جۋرناليست يبراش نٷسٸپباەۆ.
ٶزبەك باسشىسىنىڭ مەسكەۋگە باراتىنى بىلتىرعى جىلدىڭ قازانىندا بەلگٸلٸ بولعان. الايدا اقش-تىڭ مەمحاتشىسى جوسپارلانعان دٷنيەگە ٶزگەرٸس ەنگٸزگەن تٷرٸ بار.
"ميرزيياەۆ بٷگٸنگە جوسپارلانعان مەسكەۋ ساپارىنان باس تارتتى. بىلتىردان بەرٸ دايىندالىپ, پىسىقتالعان ٸس-ساپارعا ويدا-جوقتا بارمايتىن بولىپ قالدى.
ميرزيياەۆ پۋتينمەن كەزدەسۋگە تيٸستٸ ەدٸ. ەكٸ ەل باسشىسى ساياسي-ەكونوميكالىق مازمۇنداعى بٸرقاتار مەسەلەنٸ تالقىلايمىز دەپ سٶز بايلاسقان-تىن.
وداق بٶلەك وسى كەزدەسۋدە ٶزبەكستاننىڭ ەۋرازييالىق وداققا ٶتۋ مٷمكٸندٸگٸ ٸس-ساپار جوسپارىنا ەنگەن ەدٸ. الايدا اقش-تىڭ مەملەكەتتٸك حاتشىسىمەن كەزدەسكەننەن كەيٸن ميرزيياەۆ جوبالانعان دٷنيەنٸ كٷرت ٶزگەرتٸپ, اينالاسى بٸر كٷن قالعاندا مەسكەۋگە بارۋدان باس تارتتى.
پۋتين مەن لاۆروۆ مۇنى قالاي باعالار ەكەن? ٶزبەك باسشىسىنىڭ اياقاستى ٶزگەرٸپ, دوستىقتان شىعاتىن سىڭاي تانىتقانىنا مەسكەۋ نە دەپ جاۋاپ بەرەدٸ?", – دەيدٸ جۋرناليست.
ايتا كەتەلٸك اقش مەملەكەتتٸك حاتشىسى مايك پومپەو ٶزبەكستاندى "ادام قۇقىقتارى مەسەلەسٸندەگٸ پروگرەسٸ" ٷشٸن ماقتاپ, ەكٸ ەل اراسىنداعى قارىم-قاتىناسقا "تاماشا ەرٸپتەستٸك" دەگەن باعا بەردٸ.
مەملەكەتتٸك حاتشى Twitter ەلەۋمەتتٸك جەلٸسٸندەگٸ پاراقشاسىنا "ٶزبەكستاننىڭ ەركٸن ەرٸ اشىق قوعام مەن حالىق الدىندا ەسەپ بەرەتٸن ٷكٸمەت قۇرۋعا باعىتتالعان رەفورمالارعا ۇمتىلىسىن جوعارى باعالايمىن" دەپ جازدى.
پومپەو ٶزبەكستانعا كەلەر الدىندا نۇر-سۇلتاندا ايالداپ, قازاقستان پرەزيدەنتٸ قاسىم-جومارت توقاەۆپەن جەنە وعان دەيٸن وتىز جىلعا جۋىق ەل باسقارىپ, ٶتكەن جىلى ناۋرىزدا پرەزيدەنتتٸك ٶكٸلەتٸن مەرزٸمٸنەن بۇرىن توقتاتقان, بٸراق ەلٸ دە بيلٸككە ىقپال ەتٸپ وتىرعان نۇرسۇلتان نازارباەۆپەن كەزدەستٸ.
