اتىراۋ وبلىسى پوليتسييا دەپارتامەنتٸ "اتىراۋلىق حاكەرگە" قاتىستى مەلٸمدەمە جاسادى, دەپ حابارلايدى Dalanews.kz.
ۆەدومستۆو مەلٸمەتٸنە سٷيەنسەك, جەلٸدە تارالىپ جاتقان "حاكەر" جوعالعان ادامداردىڭ ورنالاسقان جەرٸن, قاراجات قوزعالىسىن ٶز بەتٸنشە انىقتاعانى, SIM كارتالاردى تالداعانى تۋرالى اقپارات شىندىققا سەيكەس كەلمەيدٸ.
"بۇل مەلٸمەتتٸڭ بارلىعى ەلەۋمەتتٸك جەلٸلەردە قانداي دا بٸر جارييالانىمدار شىققانعا دەيٸن ٸشكٸ ٸستەر ورگاندارىنىڭ بٶلٸمشەلەرٸ تاراپىنان زاڭدى جەدەل ٸزدەستٸرۋ جەنە تەرگەۋ شارالارى اياسىندا انىقتالىپ, كەيٸن رەسمي باعدارلاۋ رەتٸندە رەسٸمدەلگەن. ول جاڭا دەرەكتەر الماعان جەنە ٶزدٸگٸنەن تەحنيكالىق تالداۋ جٷرگٸزبەگەن. ول تاراتقان مەلٸمەت وعان دەيٸن جاساقتالعان رەسمي باعدارلاۋدا كٶرسەتٸلگەن اقپاراتپەن تولىق سەيكەس كەلەدٸ. پوليتسييا ۇسىنعان بارلىق دەرەك زاڭناما تالاپتارىن قاتاڭ ساقتاي وتىرىپ, بەيٸندٸ تەحنيكالىق مامانداردىڭ قاتىسۋىمەن, بايلانىس وپەراتورلارىمەن جەنە ٶزگە دە ۋەكٸلەتتٸ ۇيىمدارمەن ٶزارا ٸس-قيمىل ارقىلى الىنعان. پوليتسييا تاراپىنان قىسىم كٶرسەتۋ بولدى نەمەسە قورقىتتى دەگەن اقپارات تا شىندىققا جاناسپايدى", - دەپ جازىلعان حابارلامادا.
پوليتسييا اقپاراتىنا سٷيەنسەك, وعان قاتىستى بۇعان دەيٸن الاياقتىق بويىنشا تٶرت قىلمىستىق ٸس تٸركەلگەن.
"قازٸر وسى ٸستەر بويىنشا تەرگەۋ جالعاسىپ جاتىر جەنە وعان زاڭدا بەلگٸلەنگەن تەرتٸپپەن ٸزدەۋ جارييالانعان", - دەپ جازىلعان حابارلامادا.
ايتا كەتەيٸك, بۇعان دەيٸن ەلەۋمەتتٸك جەلٸلەردە اتىراۋ وبلىسىندا جوعالعان وتباسىعا قاتىستى تٷرلٸ مەلٸمەت تاراپ, قوعام نازارىن اۋداردى. ەسٸرەسە, جەلٸ قولدانۋشىلارى Hacker Atyrau پاراقشاسىندا جارييالانعان اقپاراتتى قىزۋ تالقىلادى.
پاراقشا اۆتورى اشىق بازا ارقىلى جوعالعانداردىڭ SIM كارتالارىن باقىلاعانىن, بانك كارتاسىمەن جاسالعان تٶلەمدەردٸ انىقتاعانىن ايتتى. ول وسى وتباسى جوعالعاننان كەيٸن بٸرٸنٸڭ SIM كارتاسى مەزگٸل-مەزگٸل قولدانىلىپ وتىرعانىن دا مەلٸمدەدٸ. سونداي-اق, وتباسى مٷشەلەرٸنٸڭ بٸرٸنٸڭ بانك كارتاسىنان قاراشا جەنە جەلتوقساندا زەينەتاقى تٶلەمدەرٸ الىنعانى تۋرالى اقپارات تاراعان بولاتىن.
اقپاراتتى تاراتقان ادامنىڭ ٶزٸ مەملەكەتتٸك جٷيەلەردٸ بۇزباعانىن, تەك "اشىق دەرەكتەردٸ, SIM كارتالاردى جەنە بايلانىس وپەراتورلارىنان الىنعان مەلٸمەتتەردٸ" پايدالانعانىن ايتتى.
