رەسمي قوناقتارعا جىلى قۇرمەتٸن بٸلدٸرگەن وبلىس ەكٸمٸ بەيبٸت يساباەۆ جەتٸسۋدا 5 ستراتەگييالىق باعىت بويىنشا ٶڭٸردٸڭ ينۆەستيتسييالىق تارتىمدىلىعىن ارتتىرۋ جۇمىستارى جٷرٸپ جاتقانىن اتاپ ٶتتٸ. بۇل رەتتە اۋىل شارۋاشىلىعى سالاسىنا, سونىڭ ٸشٸندە ەت پەن سٷت ٶڭدەۋگە ينۆەستور تارتۋ – باسىم باعىتتىڭ بٸرٸ.
– لوگيستيكالىق جەنە ترانزيتتٸك تۇرعىدا جەتٸسۋ ٶڭٸرٸ گەوستراتەگييالىق جاعىنان دا, گەوەكونوميكالىق جاعىنان دا تيٸمدٸ ورنالاسقان.
سونىمەن قاتار ايماقتىڭ تابيعي-كليماتتىق جاعدايى قولايلى, توپىراعى قۇنارلى, سۋى بار, مۇنىڭ بەرٸ اۋىل شارۋاشىلىعىنىڭ بەلسەندٸ دامۋىنا وڭ ىقپال ەتەدٸ.
جانىمىزدا ەكٸ ٷلكەن نارىق – رەسەي مەن قىتاي ورنالاسقان. ونىڭ ٷستٸنە, بٸزدٸڭ اۋماق ارقىلى باتىس ەۋروپا – باتىس قىتاي اۆتوماگيسترالٸ ٶتەدٸ, «قورعاس» حالىقارالىق شەكارالىق ىنتىماقتاستىق ورتالىعى, سونداي-اق «قورعاس – شىعىس قاقپاسى» ەركٸن ەكونوميكالىق ايماعى تابىستى جۇمىس ٸستەپ جاتىر, مۇندا قىتايمەن شەكاراداعى تەمٸرجول جەنە اۆتوموبيل ٶتكەلدەرٸن ايتپاعاننىڭ ٶزٸندە ينۆەستيتسييالىق جوبالاردى جٷزەگە اسىرۋعا قاجەتتٸ بارلىق ينفراقۇرىلىمدار بار.
ارنايى ەكونوميكالىق ايماققا ەت كومبيناتىن ورنالاستىرۋعا بولادى, بۇل جەر ەكسپورتقا باعىتتالعان ٶنٸمدەردٸ ٶتكٸزۋگە ىڭعايلى, – دەدٸ بەيبٸت يساباەۆ.
ٶز كەزەگٸندە «موستسيبرودىداعى ەت كومبيناتى» وتباسىلىق كەسٸپورنىنىڭ پرەزيدەنتٸ, پولشا پارلامەنتٸنٸڭ دەپۋتاتى كشيشتوف بوركوۆسكيي جىلى قابىلداۋ ٷشٸن العىس ايتا وتىرىپ, كٷركەتاۋىق پەن تاۋىق ەتٸن ٶڭدەيتٸن ەكسپورتقا باعىتتالعان زاۋىت سالۋ نيەتٸن جەتكٸزدٸ. سول سيياقتى قۇس باسىن ٶسٸرۋ ٷشٸن فابريكا سالاتىن دا ويلارى بار.
– ساپالى ەرٸ پايدالى ٶنٸم شىعارۋ ٷشٸن كەسٸپورىنعا وزىق تەحنولوگييالاردى ەنگٸزەمٸز. سول جابدىقتاردا تاۋىق پەن كٷركەتاۋىقتان باسقا سيىر ەتٸن دە ٶڭدەۋگە بولادى. ٶنٸمٸمٸزدٸ جەرگٸلٸكتٸ نارىققا, سونىمەن قاتار قىتاي مەن رەسەيگە ساتقىمىز كەلەدٸ.
بٸز سونداي-اق جاساندى سۋ قويمالارىندا تۇقى بالىعىن ٶسٸرۋگە ماماندانعانبىز, مەن ٶز ەلٸمدە وسى سالالاردا جۇمىس ٸستەيمٸن, بۇدان بٶلەك مەنٸڭ ەكٸ ەت كومبيناتىم جۇمىس ٸستەپ تۇر, – دەدٸ پولياك ينۆەستورى, سونىمەن قاتار ول جەرگٸلٸكتٸ فەرمەرلەردٸ كٷركەتاۋىق ٶسٸرۋ ەدٸستەرٸنە ٷيرەتۋگە دايىن ەكەنٸن جەتكٸزدٸ.
بۇل جوبالاردىڭ قىزىعۋشىلىق تۋدىراتىنىن باسا ايتقان ايماق باسشىسى مال ازىعى قورىن قۇرۋ مەسەلەسٸن جەرگٸلٸكتٸ شارۋالاردىڭ كٶمەگٸمەن شەشۋدٸ ۇسىندى, ولارمەن كەسٸپكەر تيٸستٸ كەلٸسٸم-شارتتار جاساي الادى.
– مۇنداي جوبالار بٸزدٸڭ وبلىسقا كەرەك. ەلٸمٸزدٸڭ زاڭدارى اياسىندا سٸزدەرگە قاجەتتٸ قولداۋ كٶرسەتۋگە, اشىق ىنتىماقتاستىققا دايىنبىز. ەزٸرگە كەسٸپورىندى ورنالاستىرۋعا قاتىستى قولدا بار مٷمكٸندٸكتەرٸمٸز بەن ۇسىنىستارىمىزدى ەگجەي-تەگجەيلٸ زەردەلەپ, سونداي-اق سٸز ۇسىنىپ وتىرعان جوبالاردى جٷزەگە اسىرۋ جولدارىن بٸرلەسٸپ جان-جاقتى پىسىقتاۋىمىز قاجەت, – دەپ تٷيٸندەدٸ سٶزٸن بەيبٸت يساباەۆ.
كەزدەسۋ سوڭىندا تاراپتار ەكٸجاقتى ىنتىماقتاستىقتى دامىتۋ تۋرالى شەشٸم قابىلداپ, ينۆەستورلاردىڭ جاقىن اراداعى ايماققا ساپارى جٶنٸندە ۋاعدالاستى.
فوتوسۋرەتتەر اۆتورى: جەڭٸس ىسقاباي
