بۇگىن پەتروپاۆل قالاسىندا اقىن، اعارتۋشى، الاش قايراتكەرى ماعجان جۇمابايەۆتىڭ شىعارماشىلىق مۇراسىن ناسيحاتتاۋعا ارنالعان ماعجان ورتالىعى سالتاناتتى تۇردە اشىلدى،- دەپ حابارلايدى Dalanews.kz
مەملەكەت باسشىسى ماعجان جۇمابايەۆتى تەك قازاق حالقىنىڭ عانا ەمەس، بۇكىل تۇركى جۇرتىنىڭ ماقتانىشى دەپ اتاپ ءوتتى. ونىڭ وتانعا دەگەن سۇيىسپەنشىلىككە تولى جىرلارى حالقىمىزدىڭ رۋحاني قازىناسىنىڭ التىن قورىنا ەنگەنىن ەرەكشە ايتتى.
جاڭا ورتالىق – عىلىمي زەرتتەۋلەر، مادەني-اعارتۋشىلىق جوبالار مەن شىعارماشىلىق باستامالار جۇزەگە اساتىن زاماناۋي ينتەللەكتۋالدىق الاڭ بولماق. بۇل — اقىننىڭ باي مۇراسىن ءتانىپ-بىلۋ جانە كەڭىنەن ناسيحاتتاۋ جولىنداعى ماڭىزدى قادام.
سالتاناتتى ءىس-شاراعا پرەمەر-مينيستردىڭ ورىنباسارى ەرمەك كوشەربايەۆ، عىلىم جانە جوعارى ءبىلىم ءمينيسترى ساياسات نۇربەك، حالىقارالىق تۇركى مادەنيەتى جانە مۇراسى قورىنىڭ باسشىلىعى، مەسەناتتار، اقىننىڭ ۇرپاقتارى مەن زيالى قاۋىم وكىلدەرى قاتىستى.
ماعجان ورتالىعىنىڭ اشىلۋى – رۋحاني قۇندىلىقتاردى ساقتاۋ، ۇلتتىق مادەني بىرەگەيلىكتى نىعايتۋ جانە قازاقستاننىڭ تۇركى الەمىندەگى رۋحاني-مادەني ورتالىق رەتىندەگى ءرولىن ارتتىرۋعا باعىتتالعان ماڭىزدى وقيعا سانالادى.
