پەتروپاۆل قالاسىنىڭ سوتى 33 جاستاعى پاۆەل ستراۆينسكاستى زەرگەرلٸك بۇيىمداردى ۇرلاپ, كەيٸن ساۋدا عيماراتىن قاساقانا ٶرتەگەنٸ ٷشٸن كٸنەلٸ دەپ تانىدى. ول بەس جىلعا قاۋٸپسٸزدٸگٸ ەڭ جوعارى تٷزەۋ مەكەمەسٸنە سوتتالدى, دەپ حابارلايدى dalanews.kz.
سوتتا ايىپتالۋشى ٶرتتٸڭ ەدەيٸ قويىلماعانىن ايتىپ, عيماراتتى قۇتقارۋعا تىرىسقانىن العا تارتقان. الايدا سوت بۇل ۋەجدٸ قابىلدامادى.
تەرگەۋ ماتەريالدارىنا سەيكەس, وقيعا بولعان تٷنٸ ەر ادام تانىستارىمەن بٸرگە ٸشٸمدٸك ٸشكەننەن كەيٸن ٷيٸنە جاياۋ قايتىپ بارا جاتقان. جولدا زەرگەرلٸك دٷكەننٸڭ ماڭدايشاسىن بايقاپ, ۇرلىق جاساۋعا بەل بۋعان.
ول تاستىڭ كٶمەگٸمەن تەرەزەنٸ سىندىرىپ, شەبەرحاناعا كٸرٸپ, قاراڭعىدا التىن سىرعالار, شىنجىرلار مەن باسقا دا زەرگەرلٸك بۇيىمداردى كٷرتەسٸنٸڭ قالتاسىنا سالىپ كەتكەن.
بٸراز ۋاقىتتان كەيٸن قايتا ورالعان. ٶزٸنٸڭ ايتۋىنشا, ٸشتە جەكە زاتتارىن ۇمىتىپ كەتكەنٸن ەسٸنە تٷسٸرگەن.
سوت بارىسىندا پاۆەل ستراۆينسكاس عيماراتقا قايتا كٸرگەندە ەلەكتر سىمدارىنىڭ ۇشقىن شاشىپ تۇرعانىن كٶرگەنٸن, كەيٸن بەلگٸسٸز سۇيىقتىق قۇيىلعان كانيستردٸ ابايسىزدا اۋدارىپ العان سوڭ ٶرت تۇتانىپ كەتكەنٸن ايتقان. ونىڭ سٶزٸنشە, قاتتى ابىرجىعان ول سىرتقا جٷگٸرٸپ شىعىپ, ٶتٸپ بارا جاتقان ادامنان ٶرت سٶندٸرۋشٸلەر مەن تاكسي شاقىرۋدى ٶتٸنگەن.
الايدا كۋەگەرلەردٸڭ ايعاقتارى مٷلدە باسقا كٶرٸنٸستٸ كٶرسەتتٸ. ولاردىڭ بٸرٸ ايىپتالۋشىنى جانىپ جاتقان «گالاكتيكا» ساۋدا ٷيٸنٸڭ جانىنان كٶرگەنٸن ايتىپ, ونىڭ سىنعان تەرەزە ارقىلى ٸشكە تاس پەن بورديۋر كەسەكتەرٸن لاقتىرعانىن جەتكٸزگەن. ەر ادام مۇنى «ٶزگەنٸڭ مٷلكٸن قۇتقارماق بولدىم» دەپ تٷسٸندٸرگەن.
ال تٶتەنشە جاعدايلار قىزمەتٸنٸڭ ساراپشىلارى ٶرتتٸڭ ەلەكتر سىمدارىنان شىققانى تۋرالى نۇسقانى جوققا شىعاردى. مامانداردىڭ قورىتىندىسىنا سەيكەس, ٶرت سىرتتان ەكەلٸنگەن تۇتاندىرۋ كٶزٸنەن شىققان.
ٶرتتەن كەيٸن عيمارات يەلەرٸ ٸشكە كٸرگەندە, بارلىق دٷنيە كٷلگە اينالعانىن كٶرگەن. جالىن قۇرال-جابدىقتاردى, ستانوكتاردى, جيھازدى, نوۋتبۋكتەردٸ جەنە زەرگەرلٸك بۇيىمدار جاساۋعا ارنالعان ماتەريالداردى تٷگەل جويعان.
زارداپ شەككەن زەرگەرلەردٸڭ بٸرٸنٸڭ عانا شىعىنى 9 ميلليون تەڭگەدەن اسقان.
سوت پروتسەسٸ بارىسىندا ستراۆينسكاس تەك ۇرلىق جاساعانىن مويىنداپ, ٶرتتٸ ەدەيٸ قويعانىن سوڭىنا دەيٸن جوققا شىعاردى. دەگەنمەن سوت ونىڭ بۇل ۋەجٸنە سەنبەدٸ.
سوت ٷكٸمٸمەن ول بەس جىلعا باس بوستاندىعىنان ايىرىلدى. سونىمەن قاتار سوتتالعان ازاماتتان 5 ميلليون تەڭگەدەن استام ماتەريالدىق شىعىن ٶندٸرٸلەتٸن بولدى.
ەزٸرگە ٷكٸم زاڭدى كٷشٸنە ەنگەن جوق.
