پەتروپاۆل قالاسىنىڭ تۇرعىنى كەمەلەتكە تولماعان بالاسىنا بٸرنەشە جىل بويى اليمەنت تٶلەۋدەن جالتارىپ كەلگەنٸ ٷشٸن باس بوستاندىعىنان ايىرىلدى. ونىڭ قارىزى 1,5 ميلليون تەڭگەدەن اسقان, دەپ حابارلايدى dalanews.kz.
سوت مەلٸمەتٸنشە, ەر ادام سوت شەشٸمٸمەن ۇلىن اسىراۋعا اليمەنت تٶلەۋگە مٸندەتتەلگەن. الايدا جۇمىس ٸستەۋگە جەنە تابىس تابۋعا مٷمكٸندٸگٸ بولا تۇرا, رەسمي جۇمىسقا ورنالاسپاعان, حالىقتى جۇمىسپەن قامتۋ ورتالىعىنا دا جٷگٸنبەگەن. سونىڭ سالدارىنان اليمەنت بويىنشا بەرەشەگٸ 1,5 ميلليون تەڭگەدەن اسىپ كەتكەن.
جازا تاعايىنداۋ كەزٸندە سوت ايىپتالۋشىنىڭ كٸنەسٸن مويىنداپ, جاساعان ٸسٸنە ٶكٸنگەنٸن ەسكەرگەن. سونىمەن قاتار ونىڭ بۇرىن اليمەنت تٶلەمەگەنٸ ٷشٸن بٸرنەشە رەت ەكٸمشٸلٸك جاۋاپكەرشٸلٸككە تارتىلعانى, ال وسىعان دەيٸن قىلمىستىق كودەكستٸڭ 139-بابى بويىنشا تاراپتاردىڭ تاتۋلاسۋىنا بايلانىستى قىلمىستىق جاۋاپتىلىقتان بوساتىلعانى نازارعا الىنعان.
"سوتتالۋشىعا ٶز ەرەكەتٸن تٷزەتۋگە مٷمكٸندٸك بەرٸلگەنٸمەن, ول تيٸستٸ قورىتىندى شىعارماعان. بۇدان بٶلەك, 2021 جىلدان بەرٸ ۇلىمەن بايلانىس ورناتپاعان, ونىڭ تەربيەسٸنە قاتىسپاعان ەرٸ دەنساۋلىعى مەن تاعدىرىنا قىزىعۋشىلىق تانىتپاعانى انىقتالدى. وسىعان بايلانىستى سوت ونى كەمەلەتكە تولماعان بالانى اسىراۋعا قاراجات تٶلەۋ مٸندەتٸن ورىنداماعانى ٷشٸن كٸنەلٸ دەپ تانىپ, 1 جىلعا باس بوستاندىعىنان ايىرۋ جازاسىن تاعايىندادى", - دەپ حابارلادى سوت.
سوت ٷكٸمٸ زاڭدى كٷشٸنە ەندٸ.
