وقۋ-اعارتۋ مينيسترٸ جۇلدىز سٷلەيمەنوۆا مۇعالٸمدەردٸڭ اتا-انالارمەن جۇمىس ۋاقىتىنان كەيٸنگٸ قارىم-قاتىناسىنا قاتىستى پٸكٸر بٸلدٸردٸ. مينيستر Facebook-تەگٸ پاراقشاسىندا جارييالاعان بەينەٷندەۋٸندە مۇعالٸمدەرگە دەمالۋعا ۋاقىت بەرۋ ماڭىزدى ەكەنٸن تٷسٸندٸردٸ, دەپ حابارلايدى dalanews.kz.
جۇلدىز سٷلەيمەنوۆا مينيسترلٸك اتا-انالار مەن پەداگوگتەردٸڭ قارىم-قاتىناسىن شەكتەپ, ونى بارىنشا ازايتۋدى كٶزدەمەيتٸنٸن اتاپ ٶتتٸ. ونىڭ ايتۋىنشا, وتباسى مەن مەكتەپ اراسىندا تۇراقتى ەرٸ سىندارلى بايلانىس قاجەت. الايدا قارىم-قاتىناس بەلگٸلٸ بٸر ەرەجەلەر مەن ٶزارا قۇرمەتكە نەگٸزدەلۋٸ كەرەك.
"ٶزٸمٸزدٸ مۇعالٸمنٸڭ ورنىنا قويىپ كٶرەيٸك. ورتا ەسەپپەن پەداگوگ جۇمىس كٷنٸ ٸشٸندە التى ساباق ٶتكٸزەدٸ جەنە بٸرنەشە سىنىپپەن جۇمىس ٸستەپ, كٷن سايىن جٷزدەگەن بالامەن قارىم-قاتىناس جاسايدى. ەر ساباقتا مۇعالٸم بارىنشا جيناقى بولۋى كەرەك", - دەدٸ مينيستر.
ول ساباق بارىسىندا پەداگوگ جاڭا ماتەريالدى تٷسٸندٸرٸپ, تاقتادا جۇمىس ٸستەيتٸنٸن, جازىپ, كٶرسەتٸپ, سۇراقتارعا جاۋاپ بەرەتٸنٸن, تاپسىرمالار ورىندالۋىن باقىلاپ, تەرتٸپتٸ قاداعالايتىنىن جەنە تاقىرىپتى تٷسٸنبەگەن وقۋشىلارعا كٶمەكتەسەتٸنٸن ايتتى.
"پەداگوگ ٷنەمٸ قوزعالىستا بولادى, كٶبٸنە بٷكٸل ساباقتى تٸك تۇرىپ ٶتكٸزەدٸ. مۇعالٸمنەن ەر ساباقتا بار كٷشٸن سالۋ تالاپ ەتٸلەدٸ. بٸر ساباق اياقتالعان سوڭ كەلەسٸسٸ باستالادى: جاڭا سىنىپ, جاڭا بالالار, جاڭا سۇراقتار جەنە, ەرينە, جاڭا جاۋاپكەرشٸلٸك", - دەپ اتاپ ٶتتٸ سٷلەيمەنوۆا.
سٷلەيمەنوۆا ساباق اياقتالعانىمەن, مۇعالٸمنٸڭ جۇمىس كٷنٸ بٸتپەيتٸنٸن ايتتى. مۇعالٸمدەر دەپتەرلەر مەن باقىلاۋ جۇمىستارىن تەكسەرٸپ, كەلەسٸ كٷنگە دايىندالۋى كەرەك.
ونىڭ پٸكٸرٸنشە, پەداگوگتەرگە كٷش جيناپ, دەمالۋعا ۋاقىت قاجەت. بۇل ولاردىڭ كەلەسٸ كٷنٸ بالالارمەن تولىققاندى جۇمىس ٸستەۋٸ ٷشٸن ماڭىزدى.
"مۇعالٸمدەرٸمٸز كەلەسٸ كٷنٸ بالالاردىڭ الدىنا قايتادان سەرگەك, مۇقييات, سابىرلى ەرٸ كەسٸبي كٷيدە كەلسٸن دەسەك, پەداگوگتەرگە كٷش جيناپ, دەمالۋعا مٷمكٸندٸك بەرۋٸمٸز كەرەك. سوندىقتان اتا-انالار چاتتارىنا قاتىستى مەسەلە قارىم-قاتىناسقا تىيىم سالۋ ەمەس, بۇل - ەڭ الدىمەن ٶزارا قۇرمەت مەسەلەسٸ", - دەدٸ سٷلەيمەنوۆا.
