وقۋ-اعارتۋ مينيسترٸ جۇلدىز سٷلەيمەنوۆا پەداگوگتەردٸ اتتەستاتتاۋ جٷيەسٸنە بٸرقاتار ماڭىزدى ٶزگەرٸس ەنگٸزٸلەتٸنٸن مەلٸمدەدٸ. ەندٸ مۇعالٸمدەر پەندٸك بٸلٸكتٸلٸك تەستٸن تاپسىرمايدى. مينيستردٸڭ ايتۋىنشا, بۇل تالاپ پەداگوگيكالىق وقۋ ورنىن جاڭادان تەمامداپ, العاش رەت ەڭبەك جولىن باستايتىن جاس ماماندارعا عانا ساقتالادى. سونىمەن قاتار ۇستازداردىڭ قاعاز تٷرٸندە پورتفوليو جيناۋ مٸندەتٸ جويىلىپ, جٷيە تولىق ەلەكتروندى فورماتقا كٶشٸرٸلەدٸ. اۆتورلىق باعدارلاما ەزٸرلەۋ تالابى دا كٷشٸن جويماق.
مينيسترلٸك اتالعان ٶزگەرٸستەردٸ پەداگوگتەردٸڭ ارتىق جٷكتەمەسٸن ازايتىپ, قاعازباستىلىقتان ارىلتۋعا باعىتتالعان قادام رەتٸندە تٷسٸندٸردٸ. وقۋ-اعارتۋ مينيسترلٸگٸ جانىنداعى قوعامدىق كەڭەستٸڭ تٶرالقا مٷشەسٸ, بٸلٸم ساراپشىسى ٶمٸر شىنىبەكۇلى دا Dalanews.kz تٸلشٸسٸنە بەرگەن پٸكٸرٸندە بۇل ٶزگەرٸستەر ۇستاز مەرتەبەسٸنە وڭ ىقپال ەتۋٸ مٷمكٸن ەكەنٸن ايتتى.
ونىڭ پٸكٸرٸنشە, تەجٸريبەلٸ پەداگوگتٸڭ كەسٸبي بٸلٸكتٸلٸگٸن تەك تەست نەتيجەسٸمەن باعالاۋ مۇعالٸم ماماندىعىنىڭ شىنايى تابيعاتىن تولىق اشىپ بەرە المايدى. سەبەبٸ ۇستازدىڭ كەسٸبيلٸگٸ تەك تەورييالىق بٸلٸممەن ەمەس, تەجٸريبەسٸمەن, ەدٸستەمەلٸك شەبەرلٸگٸمەن, وقۋشىمەن جۇمىس ٸستەۋ قابٸلەتٸمەن جەنە پسيحولوگييالىق دايىندىعىمەن ٶلشەنۋٸ تيٸس.
سونىمەن بٸرگە ساراپشى مۇنداي باستامالار تٷبەگەيلٸ رەفورما رەتٸندە قاراستىرىلماۋى كەرەك ەكەنٸن اتاپ ٶتتٸ.
"جٷيەلٸك رەفورما تەك تەستٸلەۋدٸ الىپ تاستاۋمەن شەكتەلمەۋٸ تيٸس. ول ٷش نەگٸزگٸ باعىتتان تۇرۋى كەرەك. بٸرٸنشٸسٸ – باسقارۋ رەفورماسى. ياعني وبلىستىق بٸلٸم باسقارمالارىن وقۋ-اعارتۋ مينيسترلٸگٸنە تٸكەلەي باعىندىرۋ قاجەت. بۇل بٸلٸم سالاسىنداعى جاۋاپكەرشٸلٸكتٸ ناقتىلاپ, باسقارۋ جٷيەسٸن بٸر ورتالىققا شوعىرلاندىرۋعا مٷمكٸندٸك بەرەدٸ. ەكٸنشٸسٸ – كادر رەفورماسى. پەداگوگيكالىق ماماندىقتارعا ٸرٸكتەۋدٸ كٷشەيتۋ كەرەك. بولاشاق مۇعالٸمدەردٸ تەك جيناعان بالىمەن ەمەس, ولاردىڭ قابٸلەتٸمەن, پەداگوگيكالىق بەيٸمٸمەن باعالاۋ قاجەت. ٷشٸنشٸسٸ – اكادەمييالىق ەركٸندٸك. مۇعالٸمگە قاعاز ەسەپ ەمەس, شىعارماشىلىق ەركٸندٸك بەرٸلۋٸ كەرەك. ۇستاز نەگٸزگٸ ۋاقىتىن ەسەپ تولتىرۋعا ەمەس, بالا وقىتۋ مەن تەربيەلەۋگە جۇمساۋى قاجەت", - دەدٸ ٶمٸر شىنىبەكۇلى.
ونىڭ ايتۋىنشا, پەداگوگتەردٸ تەستٸلەۋدەن بوساتۋ باستاماسى ەكٸمشٸلٸك اۋىرتپالىقتى ازايتۋى مٷمكٸن, الايدا بۇل بٸلٸم سالاسىنداعى قوردالانعان مەسەلەلەردٸ تٷبەگەيلٸ شەشپەيدٸ.
"قازاقستاننىڭ بٸلٸم سالاسىنداعى رەفورمانى ەڭ الدىمەن باسقارۋ جٷيەسٸنەن باستاۋ كەرەك. ەيتپەسە بٷگٸنگٸ باسقارۋ جٷيەسٸنٸڭ ٶزٸ – پارادوكس. بٸلٸم باسقارماسىنىڭ باسشىسىن وبلىس ەكٸمٸ تاعايىندايدى, ال بٸلٸم ساپاسىنا وقۋ-اعارتۋ مينيسترٸ جاۋاپ بەرەدٸ. بٸلٸم باسقارمالارىن تٸكەلەي مينيسترلٸككە باعىندىرۋ تۋرالى مەن 2015 جىلى سول كەزدەگٸ مينيستر اسلان سەرٸنجٸپوۆكە جازعان اشىق حاتىمدا دا ايتقان ەدٸم", - دەدٸ ول.
ٶمٸر شىنىبەكۇلىنىڭ پٸكٸرٸنشە, دەل وسى باسقارۋ قۇرىلىمىنداعى قايشىلىق ەلٸمٸزدەگٸ بٸلٸم رەفورمالارىنىڭ تەجەلۋٸنە ەسەر ەتٸپ وتىرعان باستى فاكتورلاردىڭ بٸرٸ. ونىڭ ايتۋىنشا, مينيسترلٸك پەن ەكٸمدٸك اراسىنداعى قوسارلانعان باعىنىشتىلىق باسقارۋ تيٸمدٸلٸگٸن ەلسٸرەتٸپ وتىر.
"بٷگٸنگٸ جٷيەدە "كٸم كٸنەلٸ?" دەگەن سۇراق تۋىنداعاندا, ەكٸ جاق بٸر-بٸرٸنە سٸلتەي الادى. مينيسترلٸك "بٸز باعدارلاما مەن ستاندارتتى بەردٸك, بٸراق ونى ٸسكە اسىراتىن كادرلاردى ەكٸمدٸك تاعايىندادى, قارجىنى سولار بٶلدٸ" دەيدٸ. ال ەكٸمدٸك "بٸز تەك شارۋاشىلىقپەن اينالىسامىز, مازمۇنعا مينيسترلٸك جاۋاپتى" دەيدٸ. سونىڭ سالدارىنان بٸلٸم ساپاسى ەكٸ ورتادا قالىپ قويادى", – دەدٸ ساراپشى.
وسىعان بايلانىستى ول بٸلٸم باسقارمالارى مەن بٶلٸمدەرٸن تٸكەلەي مينيسترلٸككە باعىندىرۋ قاجەتتٸگٸن ايتادى. ساراپشىنىڭ پايىمىنشا, مۇنداي جٷيە ەنگٸزٸلسە, بٸلٸم بەرۋ سالاسىندا ساياسي بەيتاراپتىق قالىپتاسىپ, مۇعالٸمدەر جەرگٸلٸكتٸ اتقارۋشى ورگانداردىڭ تٷرلٸ قوعامدىق ناۋقاندارىنان بوسايدى. سونىمەن قاتار باسقارۋشى كادرلاردى ٸرٸكتەۋدە مەريتوكراتييا قاعيداتى كٷشەيٸپ, قارجىلاي اشىقتىق ارتادى.
بۇدان بٶلەك, ٶمٸر شىنىبەكۇلى بٸلٸم ساپاسىنىڭ نەگٸزٸ پەداگوگ دايارلاۋ جٷيەسٸنەن باستالاتىنىن اتاپ ٶتتٸ. ونىڭ پٸكٸرٸنشە, پەداگوگيكالىق ماماندىقتارعا قابىلداۋ تالاپتارىن قايتا قاراۋ قاجەت.
"ەلەمدٸك وزىق تەجٸريبەدە جوعارى وقۋ ورنىنا قابىلداۋدا تەك ۇبت باللىنا عانا قاراماي, بەيٸمدٸلٸكتٸ دە ەسەپكە الادى. مىسالى, فينلياندييادا سولاي. ال قازٸرگٸ جٷيەدە گرانتقا باسقا ماماندىققا ۇپايى جەتپەگەندەر امالسىزدان مۇعالٸمدٸككە بارىپ جاتادى", – دەدٸ ساراپشى.
ونىڭ پايىمىنشا, پەداگوگيكالىق ماماندىقتارعا قابىلداۋ كەزٸندە تالاپكەردٸڭ تەك اكادەمييالىق كٶرسەتكٸشٸ ەمەس, پسيحولوگييالىق دايىندىعى مەن پەداگوگيكالىق بەيٸمٸ دە ەسكەرٸلۋٸ تيٸس. بۇل مەكتەپكە شىن مەنٸندە ۇستازدىق جولدى سانالى تاڭداعان ەرٸ بالالارمەن جۇمىس ٸستەۋگە بەيٸم مامانداردىڭ كەلۋٸنە جول اشادى.
بۇعان دەيٸن
ايتا كەتەيٸك, وقۋ-اعارتۋ مينيسترٸ جۇلدىز سٷلەيمەنوۆا پەداگوگتەردٸ اتتەستاتتاۋعا قاتىستى ماڭىزدى سۇراقتارعا جاۋاپ بەرگەن ەدٸ.
بۇعان دەيٸن مينيستر مۇعالٸمدەردٸڭ پەندٸك بٸلٸكتٸلٸگٸن باعالاۋ تەستٸ توقتاتىلعانىن ايتقان. وسىدان كەيٸن ۇستازدار اراسىندا داۋلى ساۋالدار تۋىنداعان.
"بٸرٸنشٸدەن, بۇل ۋاقىتشا توقتاتۋ ەمەس. ەندٸ ۇستازدارىمىز پەندٸك بٸلٸكتٸلٸك تەستٸن تاپسىرمايدى. بۇل تەستتٸ الىپ تاستادىق", - دەدٸ ول.
جۇلدىز سٷلەيمەنوۆانىڭ ايتۋىنشا, بۇل تەستتٸ تاپسىراتىن بٸر سانات بار, بۇل ساناتقا وقۋ ورنىن جاڭا بٸتٸرگەن تٷلەكتەر جاتادى.
"بۇل تەستتٸ كٸم تاپسىرادى? پەداگوگ ماماندىعىنا ەڭ العاش قادام باسىپ جاتقان ۋنيۆەرسيتەت تٷلەكتەرٸ تاپسىرادى. ٶيتكەنٸ ولار ماماندىققا ەندٸ عانا كەلە جاتىر. ولاردىڭ بٸلٸم دەڭگەيٸن بٸلۋٸمٸز قاجەت. وسى جاڭا ۇستازدار ەكٸ جىلدان كەيٸن پەداگوگ مودەراتور بٸلٸكتٸلٸك دەڭگەيٸنە قادام باسقان كەزدە پەداگوگ بٸلٸكتٸلٸك تەستٸن تاپسىرادى. قالعان ساناتقا ٶزدەرٸ اتتەستاتسيياعا تاپسىراتىن بٸردە بٸر ۇستاز پەداگوگ بٸلٸكتٸلٸك تەستٸن تاپسىرمايدى. پەداگوگ بٸلٸكتٸلٸك تەستٸنٸڭ اتتەستاتسيياعا ەشقانداي بايلانىسى بولمايدى", - دەدٸ ول.
مۇعالٸمدەردٸڭ پورتفوليوسىنا قاتىستى دا ٶزگەرٸستەر كٷتٸپ تۇر.
"پورتفوليو جيناقتاۋ ەندٸ ەلەكترون فورماتتا بولادى. ۇستاز رەتٸندە پورتفوليو, قاعاز جيناقتاپ, ەركٸمنەن قول جيناپ جٷرمەيسٸز", - دەدٸ شەنەۋنٸك.
وقۋ-اعارتۋ مينيسترٸنٸڭ ايتۋىنشا, اۆتورلىق باعدارلاما بويىنشا دا ٶزگەرٸس بار.
"اۆتورلىق باعدارلامالار دا توقتاتىلادى. ەندٸ اۆتورلىق باعدارلاما جازىپ, ۇسىنۋدىڭ قاجەتٸ جوق", - دەدٸ جۇلدىز سٷلەيمەنوۆا.
