پاۆلودار اۋدانىنداعى ناقتى ەكونوميكا سەكتورى بٶلٸمٸنٸڭ بۇرىنعى باسشىسى ۇلتتىق قوردىڭ اقشاسىن الاياقتىق جولمەن يەمدەنگەنٸ ٷشٸن سوتتالدى. بۇل تۋرالى اقپاراتپەن پاۆلودار وبلىسىنىڭ پروكۋراتۋراسى بٶلٸستٸ, دەپ حابارلايدى Dalanews.kz.
پاۆلودار اۋداندىق پروكۋراتۋراسى تەكسەرۋ بارىسىندا پاۆلودار اۋدانىنداعى ناقتى سەكتور ەكونوميكا بٶلٸمٸنٸڭ باسشىسىنىڭ لاۋازىمىن اسىرا پايدالانۋ فاكتٸسٸن انىقتادى. اۋىر قىلمىس ەلەۋمەتتٸك نىسان سالۋ كەزٸندە جاسالعان.
"اۋىل - ەل بەسٸگٸ" مەملەكەتتٸك باعدارلاماسى اياسىندا ۇلتتىق قوردان بٶلٸنگەن قاراجات ەسەبٸنەن كەمەڭگەر اۋىلىندا سپورت-ساۋىقتىرۋ كەشەنٸ سالىنعان, ونىڭ قۇنى - 382 ملن تەڭگە. بيۋدجەتتٸك قاراجاتتىڭ زاڭسىز جۇمسالۋىن تەكسەرۋ بارىسىندا مەردٸگەرگە ورىندالماعان جۇمىستاردىڭ كٶلەمٸ ٷشٸن 158 ملن تەڭگە تٶلەگەنٸ انىقتالدى", - دەيدٸ پاۆلودار وبلىسىنىڭ پروكۋراتۋراسى
اۋدان پروكۋراتۋراسى لاۋازىمدى تۇلعانىڭ قىزمەتتٸك ٶكٸلەتتٸگٸن اسىرا پايدالانۋ فاكتٸسٸ بويىنشا ماتەريالداردى قىلمىستىق كودەكستٸڭ 361-بابى بويىنشا ەردر-عا تٸركەدٸ, الدىن الا تەرگەۋدٸ سىبايلاس جەمقورلىققا قارسى دەپارتامەنت جٷرگٸزدٸ.
"پاۆلودار وبلىسىنىڭ ارالىق سوتىنىڭ ٷكٸمٸمەن بۇرىنعى ناقتى سەكتور ەكونوميكا بٶلٸمٸنٸڭ باسشىسى 3 جىلعا باس بوستاندىعىنان ايىرىلىپ, مەملەكەتتٸك قىزمەتتە لاۋازىم اتقارۋ قۇقىعىنان ٶمٸر بويىنا ايىرىلدى", دەلٸنگەن وبلىستىق پروكۋراتۋرا حابارلاماسىندا.
سوت اكتٸسٸ زاڭدى كٷشٸنە ەنگەن جوق.
