قىرعىزستاننىڭ تۇڭعىش پرەزيدەنتٸ اسقار اقاەۆ قازٸرگٸ مەملەكەت باسشىسى سادىر جاپاروۆقا ەلدٸ باسقارۋ ٷشٸن قوسىمشا ۋاقىت بەرۋ قاجەت دەپ سانايدى. ول بۇل پٸكٸرٸن 19 ماۋسىم كٷنٸ ىستىقكٶلدە ٶتكەن حالىقارالىق فورۋمدا ايتتى, دەپ حابارلايدى dalanews.kz.
اقاەۆتىڭ سٶزٸنشە, بٷگٸندە قىرعىزستاندا اۋقىمدى جوبالار جٷزەگە اسىرىلىپ جاتىر جەنە بۇل ٷدەرٸستٸ ول «قىرعىزدىڭ ەكونوميكالىق كەرەمەتٸ» دەپ باعالادى.
«قازٸرگٸ پرەزيدەنتكە وسى ەكونوميكالىق باعدارلامانى تولىق ٸسكە اسىرۋ ٷشٸن حالىق قوسىمشا ماندات بەرگەنٸ دۇرىس بولار ەدٸ. مۇنداي جوبالاردى اياقتاۋعا كەمٸندە 8-10 جىل قاجەت», – دەدٸ ەكس-پرەزيدەنت.
اسقار اقاەۆ قىرعىزستاندى 1990 جىلدان 2005 جىلعا دەيٸن باسقاردى. ول 2005 جىلعى ناۋرىز رەۆوليۋتسيياسىنان كەيٸن قىزمەتٸنەن كەتٸپ, سودان بەرٸ مەسكەۋدە تۇرىپ كەلەدٸ.
2022 جىلى اقاەۆ قىرعىزستانعا ەكٸ رەت كەلٸپ, «قۇمتٶر» كەن ورنىنا قاتىستى جەمقورلىق ٸسٸ بويىنشا تەرگەۋگە قاتىسقان. كەيٸن باس پروكۋراتۋرا قىلمىستىق قۋدالاۋ مەرزٸمٸنٸڭ ٶتۋٸنە بايلانىستى وعان تاعىلعان ايىپتاردىڭ الىنعانىن حابارلاعان.
بىلتىر قىركٷيەكتە بۇرىنعى پرەزيدەنت پارلامەنتتەن ٶزٸنە ەكس-پرەزيدەنت مەرتەبەسٸن قايتارۋدى سۇراعانىمەن, بۇل ٶتٸنٸش قولداۋ تاپپادى.
ايتا كەتەيٸك, اقاەۆتىڭ ٶزٸ بيلٸك باسىندا بولعان جىلدارى پرەزيدەنتتٸك ٶكٸلەتتٸگٸن بٸرنەشە مەرتە ۇزارتقان.
