Pavlodar aýdanyndaǵy naqty ekonomika sektory bóliminiń burynǵy basshysy Ulttyq qordyń aqshasyn alaiaqtyq jolmen iemdengeni úshin sottaldy. Bul týraly aqparatpen Pavlodar oblysynyń prokýratýrasy bólisti, dep habarlaidy Dalanews.kz.
Pavlodar aýdandyq prokýratýrasy tekserý barysynda Pavlodar aýdanyndaǵy naqty sektor ekonomika bóliminiń basshysynyń laýazymyn asyra paidalaný faktisin anyqtady. Aýyr qylmys áleýmettik nysan salý kezinde jasalǵan.
"Aýyl - el besigi" memlekettik baǵdarlamasy aiasynda Ulttyq qordan bólingen qarajat esebinen Kemeńger aýylynda sport-saýyqtyrý kesheni salynǵan, onyń quny - 382 mln teńge. Biýdjettik qarajattyń zańsyz jumsalýyn tekserý barysynda merdigerge oryndalmaǵan jumystardyń kólemi úshin 158 mln teńge tólegeni anyqtaldy", - deidi Pavlodar oblysynyń prokýratýrasy
Aýdan prokýratýrasy laýazymdy tulǵanyń qyzmettik ókilettigin asyra paidalaný faktisi boiynsha materialdardy Qylmystyq kodekstiń 361-baby boiynsha ERDR-ǵa tirkedi, aldyn ala tergeýdi sybailas jemqorlyqqa qarsy departament júrgizdi.
"Pavlodar oblysynyń aralyq sotynyń úkimimen burynǵy naqty sektor ekonomika bóliminiń basshysy 3 jylǵa bas bostandyǵynan aiyrylyp, memlekettik qyzmette laýazym atqarý quqyǵynan ómir boiyna aiyryldy", delingen oblystyq prokýratýra habarlamasynda.
Sot aktisi zańdy kúshine engen joq.
