پاۆلودار وبلىسىندا جاڭا تۋعان نارەستەنى ساتپاق بولعان ايەل ۇستالدى، دەپ حابارلايدى Dala News.
پوليسيا مالىمەتىنشە، 23 جاستاعى تۇركىستان وبلىسىنىڭ تۇرعىنى جۇكتىلىكتىڭ سوڭعى كەزەڭىندە الەۋمەتتىك جەلىلەر ارقىلى بالاعا «ساتىپ الۋشى» ىزدەگەن. جەدەل شارالار بارىسىندا ءتارتىپ ساقشىلارى ونىڭ ارەكەتىن باقىلاۋعا الىپ، قىلمىستىق ويدى قۇجاتتاعان.
ايەل بوسانعاننان كەيىن ءۇش كۇندىك ءسابيدى اقشاعا بەرمەك بولعان ساتتە ۇستالعان.
قۇقىق قورعاۋ ورگاندارىنىڭ پارقاسىندا اۋىر سالداردىڭ الدىن الۋعا مۇمكىندىك تۋعان. قازىرگى تاڭدا كۇدىكتى ۋاقىتشا ۇستاۋ يزولياتورىنا قامالدى.
جاڭا تۋعان قىز بالا دارىگەرلەردىڭ باقىلاۋىندا، ونىڭ ءومىرى مەن دەنساۋلىعىنا ءقاۋىپ جوق.
اتالعان فاكتى بويىنشا قىلمىستىق ءىس قوزعالدى. تەرگەۋ جالعاسىپ جاتىر، بارلىق ءمان-جاي انىقتالۋدا.
پوليسيا بالالارعا قاتىستى كەز كەلگەن ساۋدا ارەكەتتەرى قاتاڭ تۇردە توقتاتىلاتىنىن مالىمدەدى.
