پاۆلودار وبلىسى پد ۇيىمداسقان قىلمىسقا قارسى كٷرەس باسقارماسىنىڭ جەدەل قىزمەتكەرلەرٸ بوپسالاۋ فاكتٸلەرٸنە قاتىسى بار دەگەن كٷدٸككە ٸلٸنگەن ادامدار توبىن ۇستادى, دەپ حابارلايدى dalanews.kz.
كٷدٸكتٸلەر بٸر اي بويى پاۆلودار قالاسىنىڭ تۇرعىندارىنان اقشا تالاپ ەتكەن. اقشا بەرمەگەن جاعدايدا ولارعا كٷش قولداناتىنىن جەنە دەنە جاراقاتىن كەلتٸرەتٸنٸن ايتىپ قورقىتقان. جٷرگٸزٸلگەن جەدەل-ٸزدەستٸرۋ ٸس-شارالارىنىڭ نەتيجەسٸندە جەدەل قىزمەتكەرلەر كٷدٸكتٸلەردٸڭ جەكە باسىن انىقتاپ, التى ادامدى ۇستادى.
ولاردىڭ بەسەۋٸ ۋاقىتشا ۇستاۋ يزولياتورىنا قامالدى.
– بوپسالاۋ فاكتٸلەرٸ بويىنشا قىلمىستىق ٸستەر قوزعالدى. قازٸرگٸ ۋاقىتتا قاجەتتٸ تەرگەۋ ەرەكەتتەرٸ جٷرگٸزٸلٸپ, بولعان وقيعانىڭ بارلىق مەن-جايى انىقتالۋدا. سونداي-اق ۇستالعانداردىڭ باسقا دا وسىعان ۇقساس قىلمىستارعا قاتىسى بار-جوعى تەكسەرٸلٸپ جاتىر, – دەدٸ پاۆلودار وبلىسى پد ۇيىمداسقان قىلمىسقا قارسى كٷرەس باسقارماسىنىڭ باستىعى عابيت قابدراحمانوۆ.
