پاۆلودار وبلىسى قورعانىس ىستەرى دەپارتامەنتىنىڭ بۇرىنعى باسشىسى بەكزات ورازوۆقا قاتىستى قىزمەتتىك وكىلەتتىگىن اسىرا پايدالانۋ دەرەگى بويىنشا قىلمىستىق ءىس تىركەلدى. بۇل تۋرالى قورعانىس مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Dalanews.kz.
ۆەدومستۆو مالىمەتىنشە، ءىستى پاۆلودار وبلىسى بويىنشا ۇقك دەپارتامەنتى قوزعاعان. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر.
قورعانىس ءمينيسترىنىڭ تاپسىرماسىمەن قىزمەتتىك تەكسەرىس جۇرگىزىلىپ، ونىڭ قورىتىندىسى بويىنشا پودپولكوۆنيك ورازوۆ اتقارىپ وتىرعان قىزمەتىنەن بوساتىلعان.
مينيسترلىك وكىلدەرى تەرگەۋ مۇددەسىنە بايلانىستى وزگە مالىمەتتەر جاريا ەتىلمەيتىنىن اتاپ ءوتتى.
