پاۆلودار وبلىسىندا ەۋەجايدى جاڭعىرتۋ جۇمىستارى باستالادى. جوبا مەملەكەت باسشىسىنىڭ تاپسىرماسىنا سەيكەس جٷزەگە اسىرىلىپ, قايتارىلعان اكتيۆتەر ەسەبٸنەن قارجىلاندىرىلادى, دەپ حابارلايدى Dalanews.kz.
ٷكٸمەتتٸڭ مەلٸمەتٸنشە, رەكونسترۋكتسيياعا ارناۋلى مەملەكەتتٸك قوردان 9,3 ملرد تەڭگە بٶلٸنگەن. قاراجات ۇشۋ-قونۋ جولاعىن, رۋلەج جولىن جەنە پەرروندى جاڭارتۋعا باعىتتالادى.
جاڭعىرتۋ نەتيجەسٸندە ەۋەجاي زاماناۋي ەۋە كەمەلەرٸن ۇشۋ سالماعىنا شەكتەۋسٸز قابىلداي الادى. بۇل پاۆلودار ٶڭٸرٸنٸڭ ترانزيتتٸك ەلەۋەتٸن ارتتىرىپ, جولاۋشىلار تاسىمالىنىڭ ٶسۋٸنە جەنە ٸسكەرلٸك بەلسەندٸلٸكتٸڭ دامۋىنا سەرپٸن بەرەدٸ دەپ كٷتٸلۋدە.
جوبانىڭ نەگٸزگٸ ماقساتى – ەۋەجاي ينفراقۇرىلىمىن حالىقارالىق ICAO ستاندارتتارىنا سەيكەستەندٸرۋ. وسى ايادا ۇشۋ-قونۋ جولاعىن كەڭەيتۋ, ينجەنەرلٸك جەلٸلەردٸ جاڭارتۋ, جارىق-سيگنال بەرۋ جٷيەسٸ مەن بەينەباقىلاۋ ورناتۋ جوسپارلانعان.
ايتا كەتەيٸك, قاۋٸپسٸزدٸك تالاپتارىنا بايلانىستى پاۆلودار ەۋەجايى ٶتكەن جىلدىڭ سەۋٸر ايىنان بەرٸ ۋاقىتشا جابىق. بۇعان دەيٸن ەۋە ايلاعى استانا مەن الماتى باعىتتارى بويىنشا تۇراقتى رەيستەرگە قىزمەت كٶرسەتكەن.
