Pavlodar oblysynda áýejaidy jańǵyrtý jumystary bastalady. Joba memleket basshysynyń tapsyrmasyna sáikes júzege asyrylyp, qaitarylǵan aktivter esebinen qarjylandyrylady, dep habarlaidy Dalanews.kz.
Úkimettiń málimetinshe, rekonstrýktsiiaǵa arnaýly memlekettik qordan 9,3 mlrd teńge bólingen. Qarajat ushý-qoný jolaǵyn, rýlej jolyn jáne perrondy jańartýǵa baǵyttalady.
Jańǵyrtý nátijesinde áýejai zamanaýi áýe kemelerin ushý salmaǵyna shekteýsiz qabyldai alady. Bul Pavlodar óńiriniń tranzittik áleýetin arttyryp, jolaýshylar tasymalynyń ósýine jáne iskerlik belsendiliktiń damýyna serpin beredi dep kútilýde.
Jobanyń negizgi maqsaty – áýejai infraqurylymyn halyqaralyq ICAO standarttaryna sáikestendirý. Osy aiada ushý-qoný jolaǵyn keńeitý, injenerlik jelilerdi jańartý, jaryq-signal berý júiesi men beinebaqylaý ornatý josparlanǵan.
Aita keteiik, qaýipsizdik talaptaryna bailanysty Pavlodar áýejaiy ótken jyldyń sáýir aiynan beri ýaqytsha jabyq. Buǵan deiin áýe ailaǵy Astana men Almaty baǵyttary boiynsha turaqty reisterge qyzmet kórsetken.
