ءبىراق، بۇل – سالماعى اۋىر "جەڭىس" بولماق. سەبەبى، بيلىكتەگى پارتيانىڭ دا، پارلامەنتتەگى كوپشىلىكتىڭ دە وكىلى ەمەس بولعاندىقتان (ەگەر پارلامەنت سايلاۋىن قايتا وتكىزبەسە) ونىڭ لەگيتيمدىگىنە كۇمان كوپ بولادى، ال بۇل ونسىز دا سىلكىنىپ تۇرعان قوعامداعى جانە ساياسي بيلىكتەگى تۇراقتىلىققا اسەر ەتپەي قويمايدى.
دەگەنمەن، ماڭىزدىسى ول ەمەس.
كۇتپەگەن جەردەن حالىقتىڭ بيلىككە دەگەن سەنىمسىزدىگى مەن اشۋ-ىزاسىنىڭ جيىنتىق سيمۆولىنا اينالىپ شىعا كەلگەن وعان ارمياندار «بار بالەدەن قۇتقارۋشى» دەپ ۇمىتتەنە قاراپ وتىر.
باسقارۋ قىزمەتىندە بولماعان، "وندىرىستە شىڭدالماعان" بۇرىنعى جۋرناليست ارمەنيا سياقتى گەوساياسي قاقپاندا تۇرعان، ەكونوميكاسى ءالجۋاز، شەتەلدەگى دياسپوراعا كۇنى قاراپ وتىرعان ءارى كورشىسىمەن انە-مىنە سوعىسۋعا شاق تۇرعان ەلدە جاعدايدى ودان سايىن ۋشىقتىرىپ جىبەرە مە دەپ قورقامىن.
ماعان ول ەلچيبەي مەن گامساحۋرديادان دا ناشار باسشى بولاتىن سياقتى كورىنەدى.
«ءتۇرلى-تۇستى توڭكەرىستەردىڭ» ارقاسىندا بيلىككە كەلگەن يۋششەنكو، سااكاشۆيلي، پوروشەنكولاردىڭ تىم بولماسا گەوساياسي مانيەۆر جاساۋعا مۇمكىندىكتەرى بولدى، ۇلكەن دەرجاۆالاردىڭ ول ەلدەردە مۇددەلەرى كوبىرەك.
تەك رەسەيگە جانە يرانعا كۇنى قاراپ وتىرعان ارمەنيا ولاردان كەتىپ قايدا باراتىنىن تۇسىنبەيمىن.
اقش ءۇشىن دە، ءتىپتى ەۋروپا ءۇشىن دە ارمەنيا – باس قاتىراتىن ۇلكەن شارۋا ەمەس (ارميان ءلوببيى ازداپ ىقپال ەتپەسە). وسىنداي جاعدايدا حالىقتىڭ تالاپتارىن ورىنداي الماعان پاشينياننان جۇرتتىڭ تەز كوڭىلى قالادى. كوڭىلى قالىپ قانا قويسا جاقسى. ەلدە تۇراقسىزدىق باستالسا، ازەربايجان قاراباق داۋىن قايتا قوزعاۋى مۇمكىن.
مۇحتار سەڭىگرباي، جۋرناليست، ساراپشى.
https://dalanews.kz/17365
