Respublica پارتيياسىنىڭ تٶراعاسى ايداربەك قوجانازاروۆتىڭ اباي قۇنانبايۇلى تۋرالى ايتقان پٸكٸرٸ ەلەۋمەتتٸك جەلٸدە قىزۋ تالقىلانىپ جاتىر, دەپ حابارلايدى dalanews.kz.
قوجانازاروۆ ابايدىڭ ۇلى اقىن بولىپ قالىپتاسۋىنا ەكەسٸنٸڭ دەۋلەتٸ مٷمكٸندٸك بەرگەنٸن ايتىپ, وسى ويدى كەسٸپكەرلەردٸ قولداۋدىڭ ماڭىزىمەن بايلانىستىرعان.
“ابايدى اباي قىلعان – قۇنانبايدىڭ مالى. ەگەر قۇنانبايدىڭ مالى بولماسا, اباي اباي بولمايتىن ەدٸ. سەبەبٸ ۋاقىتى بولماي, قوي باعىپ كەتەتٸن ەدٸ. سوندىقتان بٸزدٸڭ پارتييا قۇنانبايلاردىڭ سانى كٶپ بولسىن دەپ, ولاردى قولدايدى. قۇنانبايلار نەعۇرلىم كٶپ بولسا, ەلٸمٸزدە ابايلار دا سوعۇرلىم كٶپ بولادى”, - دەيدٸ ول.
الايدا پارتييا تٶراعاسىنىڭ بۇل پٸكٸرٸ ەلەۋمەتتٸك جەلٸ قولدانۋشىلارىنىڭ سىنىنا ۇشىرادى. جەلٸدە ونىڭ ابايدىڭ تۇلعا رەتٸندە قالىپتاسۋىن قۇنانبايدىڭ دەۋلەتٸمەن بايلانىستىرۋىن ورىنسىز دەپ باعالاعان پٸكٸرلەر تارادى. كەيبٸر قولدانۋشىلار قوجانازاروۆتىڭ سٶزٸن ۇلى اقىننىڭ مۇراسى مەن تۇلعاسىنا قۇرمەتسٸزدٸك دەپ قابىلداپ, ودان كٶپشٸلٸك الدىندا تٷسٸنٸكتەمە بەرۋدٸ, تٸپتٸ كەشٸرٸم سۇراۋدى تالاپ ەتٸپ جاتىر.
“نە دەيٸك, ۇلى اقىننىڭ ٶز سٶزٸمەن ايتسام: “بەتتٸ باستىم, قاتتى ساستىم, تۇرا قاشتىم, جالما-جان”, - دەپ جازعان فب بەلسەندٸسٸ ارمان سقابىلۇلى.
