ق ر پرەزيدەنتى قاسىم-جومارت توقايەۆتىڭ قاتىسۋىمەن 2023 جىلعى 12 جەلتوقساندا «پارىز» – 2023 بيزنەستىڭ الەۋمەتتىك جاۋاپكەرشىلىگى جونىندەگى جىل سايىنعى رەسپۋبليكالىق كونكۋرستىڭ، مەملەكەت باسشىسىنىڭ «التىن ساپا» سىيلىعىنىڭ جانە «قازاقستاننىڭ ۇزدىك تاۋارى» سىيلىعىنىڭ جەڭىمپازدارىن ماراپاتتاۋ ءراسىمى ءوتتى، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.

اباي وبلىسىنداعى 492 قاتىسۋشىنىڭ ىشىنەن ءىرى كاسىپكەرلىك سۋبەكتىلەرى اراسىنداعى «پارىز» بايقاۋىنىڭ باس جۇلدەسىن «باقىرشىق تاۋ-كەن كاسىپورنى» ج ش س الدى. گران-پري جۇلدەسى ءوز سالاسىندا جوعارى كورسەتكىشكە جانە كورپوراتيۆتىك، الەۋمەتتىك، ەكولوگيالىق جاۋاپكەرشىلىك قاعيداتتارىن ىسكە اسىرۋدا ۇزدىك ناتيجەگە جەتكەن ۇمىتكەرلەرگە بەرىلەدى.

سونىمەن قاتار، «پارىز» بايقاۋىنىڭ «ەڭبەكتى قورعاۋ سالاسىنداعى ۇزدىك كاسىپورىن» نوميناسياسىمەن 2ء-شى ورىندى «سەمەي مونتاجداۋ فيرماسى-يمستالكوم» ج ش س يەلەندى.

«ۋك يۋنيس» ج ش س شۇلىق-تريكوتاج فابريكاسى «وندىرىستىك ماقساتتاعى ۇزدىك تاۋارلار» نوميناسياسىندا «قازاقستاننىڭ ۇزدىك تاۋارى» رەسپۋبليكالىق كورمە-كونكۋرسىنىڭ جەڭىمپازى اتاندى.

بايقاۋ جەڭىمپازدارى ءتيىستى ديپلوم جانە باعالى سىيلىقپەن ماراپاتتالدى. سونداي-اق، لاۋرەاتتارعا كونكۋرس ەمبلەماسىن جارنامالىق ماقساتتا وسى اتاق بەرىلگەن كۇننەن باستاپ ءۇش جىل ىشىندە پايدالانۋ قۇقىعى بەرىلەدى.