ورال قالاسىندا تٷزەۋ مەكەمەسٸ باستىعىنىڭ بۇرىنعى ورىنباسارى قايسار قۇرمانوۆ سوت ٷكٸمٸمەن 2,5 ملن تەڭگە كٶلەمٸندە ايىپپۇل تٶلەۋگە مٸندەتتەلدٸ. ول سوتتالعان ادامنان پارا الدى دەپ تانىلدى, دەپ حابارلايدى dalanews.kz.
Halyqstan مەلٸمەتٸنشە, ەدٸلەت مايورى بيىل مامىر ايىنىڭ سوڭىندا ٶز ٷيٸنٸڭ ماڭىندا اقشا الىپ جاتقان سەتتە ۇستالعان. جەكە تٸنتۋ بارىسىندا ونىڭ قالتاسىنان 100 مىڭ تەڭگە تەركٸلەنگەن.
سول كٷنٸ ۇلتتىق قاۋٸپسٸزدٸك كوميتەتٸ دەپارتامەنتٸنٸڭ قىزمەتكەرلەرٸ تٷزەۋ مەكەمەسٸندە تٸنتۋ جٷرگٸزگەن. الايدا ونىڭ نەتيجەلەرٸ تۋرالى رەسمي اقپارات جارييالانعان جوق.
تەرگەۋ نۇسقاسى بويىنشا, كٷدٸكتٸ اقشاعا ايىرباس رەتٸندە سوتتالعان ازاماتقا زاڭسىز جەڭٸلدٸكتەر بەرۋگە ۋەدە ەتكەن. بەيرەسمي مەلٸمەتتەرگە قاراعاندا, مەسەلە ۇيالى تەلەفوندى زاڭسىز ٶتكٸزۋگە قاتىستى بولۋى مٷمكٸن.
ۇستالعاننان كەيٸن قايسار قۇرمانوۆ كٸنەسٸن تولىق مويىنداپ, تەرگەۋمەن ىنتىماقتاستىق ورناتقان. وسىعان بايلانىستى قىلمىستىق ٸس جەڭٸلدەتٸلگەن تەرتٸپپەن قارالدى.
ٷكٸم قىلمىستىق-اتقارۋ جٷيەسٸ دەپارتامەنتٸنٸڭ قىزمەتكەرلەرٸنٸڭ قاتىسۋىمەن جارييالانىپ, سوت پروتسەسٸ كٶرسەتٸلٸمدٸك فورماتتا ٶتتٸ.
سوت بۇرىنعى قىزمەتكەردٸ پارا الۋ بابىمەن كٸنەلٸ دەپ تانىپ, وعان 2,5 ملن تەڭگە ايىپپۇل سالدى. سونداي-اق ول ەدٸلەت مايورى ارنايى اتاعىنان ايىرىلىپ, ٶمٸر بويىنا مەملەكەتتٸك قىزمەتتە جۇمىس ٸستەۋ قۇقىعىنان ايىرىلدى.
