پانجشەر پروۆينتسيياسى تولىقتاي تەلٸپتەردٸڭ باقىلاۋىنا ٶتتٸ
بۇل تۋرالى ول ٶزٸنٸڭ Twitter -دەگٸ پاراقشاسىندا جازدى.
تەلٸپتەردٸڭ اۋعانستانداعى قاۋٸپسٸزدٸكتٸ ساقتاۋعا باعىتتالعان سوڭعى ەرەكەتٸ ٶز نەتيجەسٸن بەردٸ. "جالدامالى-دۇشپانداردىڭ سوڭعى قورعانى" بولعان ايماققا تولىق باقىلاۋ ورناتىلدى, - دەپ حابارلادى لەنتا.رۋ.
مۋجاحيد كٶتەرٸلٸسشٸلەردٸڭ كەيبٸرٸ ۇرىستا جەڭٸلٸسكە ۇشىراپ, ال باسقالارى قاشىپ كەتكەنٸن اتاپ ٶتتٸ. سونىمەن بٸرگە تاليبان ٶكٸلٸ پانجشەر تۇرعىندارىنا قىسىم كٶرسەتٸلمەيتٸنٸن ايتتى.
بۇعان دەيٸن تەلٸپتەر اۋعانستانداعى قارسىلىق مايدانىنىڭ جەتەكشٸسٸ احماد ماسۋدتىڭ اتىستى توقتاتۋ تۋرالى ۇسىنىسىن قابىلداماعان بولاتىن. تاليباننىڭ ساياسي كەڭسەسٸ ٶكٸلٸنٸڭ ايتۋىنشا, ول ٶزٸ كەلٸسٸمگە كەلۋدەن باس تارتقان, سوندىقتان تەلٸپتەر ماسۋدپەن كەلٸسسٶز جٷرگٸزۋدٸ دوعارعان.
4 قىركٷيەكتە تەلٸپتەر پانجشەردٸ ٶز باقىلاۋىنا الدى. تاليباننىڭ شابۋىلى ماسۋدپەن كەلٸسسٶزدەر سەتسٸز اياقتالعاننان كەيٸن, 2-3 قىركٷيەكتە باستالدى. سونىمەن قاتار, ۇلتتىق قارسىلاسۋ كٷشتەرٸ جاۋىنگەرلٸك وتريادتاردىڭ پروۆينتسييا اۋماعىنا كٸرگەنٸن, كەيٸن شەگٸنٸپ, اۋىر شىعىنعا ۇشىراعانى حابارلاندى.
