Panjsher provintsiiasy tolyqtai tálipterdiń baqylaýyna ótti
Bul týraly ol óziniń Twitter -degi paraqshasynda jazdy.
Tálipterdiń Aýǵanstandaǵy qaýipsizdikti saqtaýǵa baǵyttalǵan sońǵy áreketi óz nátijesin berdi. "Jaldamaly-dushpandardyń sońǵy qorǵany" bolǵan aimaqqa tolyq baqylaý ornatyldy, - dep habarlady Lenta.rý.
Mýjahid kóterilisshilerdiń keibiri urysta jeńiliske ushyrap, al basqalary qashyp ketkenin atap ótti. Sonymen birge Taliban ókili Panjsher turǵyndaryna qysym kórsetilmeitinin aitty.
Buǵan deiin tálipter Aýǵanstandaǵy qarsylyq maidanynyń jetekshisi Ahmad Masýdtyń atysty toqtatý týraly usynysyn qabyldamaǵan bolatyn. Talibannyń saiasi keńsesi ókiliniń aitýynsha, ol ózi kelisimge kelýden bas tartqan, sondyqtan tálipter Masýdpen kelissóz júrgizýdi doǵarǵan.
4 qyrkúiekte tálipter Panjsherdi óz baqylaýyna aldy. Talibannyń shabýyly Masýdpen kelissózder sátsiz aiaqtalǵannan keiin, 2-3 qyrkúiekte bastaldy. Sonymen qatar, Ulttyq qarsylasý kúshteri jaýyngerlik otriadtardyń provintsiia aýmaǵyna kirgenin, keiin sheginip, aýyr shyǵynǵa ushyraǵany habarlandy.
