جاسىم 17-18-گە تولعاندا, مەن ىلعي لوتەرەيا ۇتىپ السام عوي دەپ ارماندايتىنمىن. دجەك-پوت دەگەن قييال ٶزٸنە باۋراپ الاتىن. قوماقتى قارجى ۇتىپ السام, تالاي شەشۋٸن تاپپاي تۇرعان مەسەلە بٸر زاماتتا شەشٸلەر ەدٸ. ٶمٸرٸم كٷرت ٶزگەرٸپ سالا بەرەر ەدٸ. ەح, شٸركٸن! بٸراق, ەشتەڭە ٶزگەرمەدٸ. بٸلەسٸز بە, نەگە? سەبەبٸ, مەن لوتەرەيا ۇتىپ المادىم. بۇل جاعداي مەن ٷشٸن تراگەديياعا اينالعان جوق. ٶمٸر جالعاسىپ جاتتى. بٸر نەرسەنٸ انىق ۇقتىم. ادام ٶزٸنٸڭ ٶمٸرٸنە جاۋاپتى. ٷشٸنشٸ بٸرەۋدٸڭ كەلٸپ ساعان ٶمٸر سٷرۋدٸ ٷيرەتۋٸ مٷمكٸن ەمەس. ٶز ٶمٸرٸڭ ٷشٸن جاۋاپكەرشٸلٸكتٸ موينىڭمەن كٶتەرسەڭ عانا سەن ٶمٸردٸ تٷسٸنەسٸڭ. ٶمٸر جولىندا كەزدەسكەن كٶپ ادام قولىڭنان تٷك كەلمەيدٸ, اناۋ مٷمكٸن ەمەس, مىناۋ سۇمدىق, بولمايدى دەپ ايتادى, سەنٸمسٸزدٸك بٸلدٸرەدٸ. تٸپتٸ, ٸشكٸ داۋىسىڭدا دەگەنٸڭە جەتە المايسىڭ, ەلدەن ۇيات, جۇرت نە دەيدٸ دەپ تالاي شەكتەۋلەردٸ العا تارتادى. مەسەلەنٸ شەشۋگە باسقالار كٶمەكتەسپەسە بولمايدى دەگەن وي ۇشىعىنان قۇتىلۋ وڭاي ەمەس-تٸ. باسقالار دەپ بيلٸكتٸ, مانساپتىنى, رۋحاني قولداۋشىنى, تٸپتٸ بولماسا قۇدايدى اتارسىز. بٸراق ادام ٶز مەسەلەسٸن ٶزٸ عانا شەشە الادى. ول ٷشٸن ٶزٸنە دەگەن سەنٸم عانا كەرەك.
ٶز ٶمٸرٸڭٸزدٸڭ جاۋاپكەرشٸلٸگٸن سەزٸنٸڭٸز
ەگەر كٸنەنٸڭ بەرٸن سىرتتان ٸزدەسەڭ, ٶزٸڭە قالاي سەنبەكسٸڭ? ٶزگەنٸ ايىپتاپ ٶزٸڭدٸ قۇرباندىق دەڭگەيٸنە تٷسٸرەسٸڭ. وسىنداي قاقپان ويدان قۇتىلۋعا تىرىسۋ كەرەك. ٶز تاعدىرىڭ ٷشٸن جاۋاپكەرشٸلٸگٸڭدٸ ٶزٸڭ كٶتەر.
كەشٸرٸمدٸ بول
ٶمٸردەگٸ سٷرٸنگەن, جازا باسقان قاتەلٸكتەرٸڭدٸ مويىنداپ, سول ٷشٸن ٶزٸڭدٸ كەشٸرۋگە دايىن بول. سەتسٸزدٸك ٷشٸن ٶزٸڭدٸ كٸنەلاي بەرمە, تەك ولاردى جابۋلى قازان كٷيٸندە قالدىرماي, ساباق الۋعا تىرىسقان ابزال. ەندٸگەرٸ قايتالامايتىنداي. جولىڭ نەلٸكتەن بولماعانىن تٷسٸنەسٸڭ. سول قاتەلٸكتەردٸ بولدىرماۋ ٷشٸن ولاردىڭ سەبەپ-سالدارىن بايىپتاۋ كەرەك.
ٶزٸڭدٸ كەشٸرۋ ۇزاق ۋاقىت الاتىن ٷدەرٸس. بٸراق, كەشٸرۋگە تالپىنىستى توقتاتۋعا بولمايدى. دەتٸڭ جەتپەي تۇرعان ٸسكە بەل شەشە كٸرٸسكەندە, ٶزٸڭە العىس ايتۋدى ەدەتتەنگەن ابزال. قاتەلٸك جاساماۋدىڭ بٸر عانا جولى بار – ەشتەڭە جاساماۋ. ولاي ٶمٸر سٷرۋ مٷمكٸن ەمەس.
ٶتكەن شاعىڭ ٷشٸن قورلانبا
ٶتكەن ٶمٸرٸڭ تۋرالى كٶپ داۋلاسۋعا بولادى. بٸراق, ونى بەرٸبٸر ٶزگەرتە المايسىڭ. بۇرىس ەرەكەتتەرٸڭدٸ جوق قىلۋعا, ايتقان اۋىر سٶز بەن وقيعالاردى تٷپ تامىرىمەن جۇلىپ تاستاۋعا كەلمەيدٸ. ول – ەندٸ تاريح. كەتكەن اعاتتىقتار ٷشٸن ٶزٸڭدٸ كٸنەلاۋ ەش نەتيجە بەرمەيدٸ. جانىڭداعى جارا جازىلماسا, بٷگٸنگٸ ٶمٸرٸڭدە دە الدىڭنان شىعىپ, مازا تاپتىرمايدى. تەك سەنٸمسٸزدٸك سىيلايدى.
ٶتكەن شاعىن ٶزگەرتە الماعانى ٷشٸن كٶپ ادام ٶزٸن قاۋقارسىز سەزٸنەدٸ. بۇل ٷلكەن قاتەلٸك. ٶتكەندٸ ٶزگەرتۋ مٷمكٸن ەمەس. ول راس. سٸزدە بٸر مٷمكٸندٸك بار: بٷگٸنگٸ ٶمٸردٸ ٶزگەرتۋگە بولادى. ال سەنٸم جويىلسا, ٶزٸڭدٸ دە جوعالتىپ الاسىڭ. ٶتكەنٸن تٷزەي الماعان جان جالپى ٶمٸرگە يە بولۋ مٷمكٸن ەمەس دەپ كەلتە قايىرادى. ەڭ باستى قاتەلٸك – وسى. ەر ادام ٶز كەلەشەگٸن ٶزگەرتۋگە قاۋقارلى. تەك نيەت پەن سەنٸم كەرەك.
جٷرەگٸڭدٸ تىڭدا
ٶزٸڭە سەن دەگەن سٶز – ٶز تٷيسٸگٸڭ مەن جٷرەگٸڭە سەنٸم ارتۋ. جان دٷنيەڭدٸ تىڭداساڭ, سونىڭ كەڭەسٸنە قۇلاق اسساڭ, تۋرا جولعا تٷسەسٸڭ. تەك نەپسٸنٸڭ جەتەگٸندە كەتپە. ٶزٸڭنٸڭ «مەنٸڭدٸ» تىڭداي الۋ ٷشٸن ايتارلىقتاي قايسارلىق قاجەت. ٶيتكەنٸ, اقىل مەن ٶزٸمشٸلدٸك كەرٸ باعىتقا سٷيرەيدٸ. دۇرىس تاڭداۋ جاساي بٸلۋ ٷشٸن دە كٶپ قۋات-كٷش سارپ ەتٸلەدٸ. سەنٸم كەرەك. ٶزٸڭنٸڭ جان دٷنيەڭە سەن. جٷرەك تاڭداۋىن قابىلدا.
جٷرەكتٸ تىڭداۋعا مىنا نەرسەلەر كٶمەكتەسەدٸ:
- ەستٸ ەرٸ ۇتىمدى اقىل;
- مەديتاتسييا جاساي بٸلۋ;
- جاعدايدى جىلدامداتپاۋ, اعىنمەن اعۋ;
- تٷيسٸككە سەنۋ;
- شىعارماشىلىق ىڭعاي تانىتۋ;
- تەننٸڭ بەرگەن بەلگٸلەرٸن تىڭداۋ;
- ٸشكٸ ويدىڭ جەتەگٸنە ٸلەسۋ;
ٶزگەنٸڭ اقىل-كەڭەسٸنە قاراماستان, ٶزٸڭە سەنۋ
ٶزگەنٸڭ اقىلىنا دەن قوياتىن ادام – ٶزٸنە سەنبەيتٸن جان. بۇل سەنٸمسٸزدٸكتٸڭ بٸر بەلگٸسٸ. ٶزگەدەن اقىل سۇرايتىن ادامداردى كٶپتەپ كەزدەستٸرەمٸز. تاعدىر شەشەتٸن ساۋالدار كەزٸندە اقىل-كەڭەس تىڭداعان جٶن, ەرينە. بٸراق سوڭعى سٶز ٶزٸڭنٸڭ جٷرەگٸڭمەن سارالانۋى قاجەت. مۇنى ەدەت ەتكەن ادام اداسپايدى.
ٶز ٶمٸرٸڭنٸڭ يەسٸ بول
ٶزٸڭ بٸلٸپ قيمىلداپ ٷيرەنۋ كەرەك. ٶزگەنٸڭ تٸلٸن العان سايىن ٶزٸڭنەن الىستاي بەرەسٸڭ. ٶزٸڭدٸ تىعىرىققا تٷسٸرە بەرەسٸڭ.
- ٶزٸڭنٸڭ ۇستازىڭنان اسىپ كەتە المايسىڭ;
- ٶزگەنٸڭ سەنٸ باسقارۋىنا مۇقتاج بولاسىڭ;
- ۇستازىڭمەن بٸر دەڭگەيگە شىعا المايسىڭ
ەشبٸر ۇستاز سەنٸڭ كيگەن ەتٸگٸڭدٸ كيٸپ جٷرمەيدٸ. ٶزٸن سەنٸڭ ورنىڭا قويا المايدى. وسىنى ەستەن شىعارماۋ كەرەك!
اۋدارعان شىنار ەبٸلدە
