ٶزبەكستاننىڭ فەرعانا قالاسىندا 9 ايلىق بالاسىن اقشاعا ساتۋعا ەرەكەتتەنگەن ەرلٸ-زايىپتىنىڭ ەرقايسىسى بەس جىلعا باس بوستاندىعىنان ايىرىلدى. بۇل تۋرالى ەلدٸڭ جوعارعى سوتىنىڭ باسپاسٶز حاتشىسى ازيز وبيدوۆ حابارلادى, دەپ جازادى dalanews.kz.
سوت ماتەريالدارىنا سەيكەس, ەر ادام مەن ەيەل 2024 جىلدىڭ قازانىندا تانىسقان. كەيٸن جاقىندارىنا ايتپاستان شاريعات جولىمەن نەكەلەسٸپ, بٸرگە تۇرا باستاعان. الايدا ولاردىڭ اراسىندا جيٸ جانجال بولىپ تۇرعان.
2025 جىلدىڭ قازانىندا ەرلٸ-زايىپتىنىڭ ۇلى دٷنيەگە كەلگەنٸمەن, وتباسىنداعى كەلٸسپەۋشٸلٸكتەر توقتاماعان. قارجىلىق قيىندىققا تاپ بولعان ولار سەبيٸن ساتىپ, اقشا تابۋعا ٶزارا كەلٸسكەن.
سوت وتىرىسىندا ەيەل ٶزٸنٸڭ بٸرنەشە بانكتٸك نەسيەسٸ بارىن ايتقان. ونىڭ سٶزٸنشە, قارىزدارىن ٶتەۋ جەنە تٷركيياعا بارۋ ٷشٸن قاراجات قاجەت بولعاندىقتان, بالاسىن ساتۋعا ەرەكەتتەنگەن. ول ٶز كٸنەسٸن تولىق مويىندادى.
سوت ەرلٸ-زايىپتىنى بالا ساۋداسىنا ەرەكەتتەنگەنٸ ٷشٸن كٸنەلٸ دەپ تانىپ, ولاردىڭ ەرقايسىسىنا بەس جىل مەرزٸمگە باس بوستاندىعىنان ايىرۋ جازاسىن تاعايىندادى.
