Ózbekstannyń Ferǵana qalasynda 9 ailyq balasyn aqshaǵa satýǵa árekettengen erli-zaiyptynyń árqaisysy bes jylǵa bas bostandyǵynan aiyryldy. Bul týraly eldiń Joǵarǵy sotynyń baspasóz hatshysy Aziz Obidov habarlady, dep jazady dalanews.kz.
Sot materialdaryna sáikes, er adam men áiel 2024 jyldyń qazanynda tanysqan. Keiin jaqyndaryna aitpastan shariǵat jolymen nekelesip, birge tura bastaǵan. Alaida olardyń arasynda jii janjal bolyp turǵan.
2025 jyldyń qazanynda erli-zaiyptynyń uly dúniege kelgenimen, otbasyndaǵy kelispeýshilikter toqtamaǵan. Qarjylyq qiyndyqqa tap bolǵan olar sábiin satyp, aqsha tabýǵa ózara kelisken.
Sot otyrysynda áiel óziniń birneshe banktik nesiesi baryn aitqan. Onyń sózinshe, qaryzdaryn óteý jáne Túrkiiaǵa barý úshin qarajat qajet bolǵandyqtan, balasyn satýǵa árekettengen. Ol óz kinásin tolyq moiyndady.
Sot erli-zaiyptyny bala saýdasyna árekettengeni úshin kináli dep tanyp, olardyń árqaisysyna bes jyl merzimge bas bostandyǵynan aiyrý jazasyn taǵaiyndady.
