ٶزبەكستان تٶلقۇجاتىنان قۇتىلۋ ٷشٸن 110 دوللار قاجەت
ايسەنٸم قوشپانوۆا قازاقستانعا, ونىڭ ٸشٸندە اقتٶبەگە 2013 جىلى كٶشٸپ كەلگەن. سودان بەرٸ ٶزبەكستان مەن قازاقستاننىڭ شەكاراسىن توزدىردى.
– اقتٶبەگە اعامنىڭ ٸزٸنەن كەلدٸم. ول مەنٸڭ جالعىز اعام بولعان سوڭ باۋىرىمنان قارا ٷزٸپ قالعىم كەلمەدٸ. سٶيتٸپ, ٶزبەكستانداعى ٷيٸمدٸ ساتىپ, اتا-بابا جەرٸنە جالعىز قىزىممەن قونىس اۋداردىم. بٸراق, قۇجاتتارىمىز ەبٸگەرگە سالىپ, شارشاتىپ جٸبەردٸ. تٸپتٸ, ۋايىمنان دەنساۋلىعىم ناشارلاپ, دەرٸگەر جاعالاپ جٷرمٸن, – دەيدٸ ايسەنٸم قوشپانوۆا.
دەلٸرەك ايتقاندا, ول ٶزبەكستاندا جەكە كۋەلٸكپەن جٷرەدٸ. ال قازاقستانعا كٶشۋگە قۇجات رەسٸمدەگەن كەزدە تٶلقۇجات الۋ مٸندەتتەلدٸ. سول پاسپورت بولعان كەزدە عانا قازاقستان ازاماتتىعىن الۋعا مٷمكٸندٸك بار ەكەن.
– ازاماتتىق الدىم, اقتٶبەگە كٶشٸپ كەلدٸم. قالاداعى ەلەك پوليتسييا بٶلٸمٸ قىزىل تٷستٸ جەكە كۋەلٸكتٸ الىپ قالدى, بٸراق, پاسپورت ەلٸ كٷنگە دەيٸن قولىمدا جٷر. كٶشٸ-قون پوليتسيياسى ماعان پاسپورتتى الماتىداعى ٶزبەكستان ەلشٸلٸگٸنە پوشتا ارقىلى سالىپ جٸبەر دەدٸ. جٸبەردٸم, ول جاقتاعى ادامدار حاتتى اشپاستان, كەرٸ قايتاردى, – دەيدٸ ورالمان.
ايسەنٸم قوشپانوۆانىڭ اعاسى ەسەنعالي ساعيەۆ 2000 جىلى قازاقستانعا قونىس اۋدارعان. ول كەزدە قۇجاتتاردى رەسٸمدەۋ وڭاي شارۋا ەدٸ. سوڭعى كەزدەرٸ شىعىنى كٶپ جۇمىسقا اينالدى دەپ وتىر ول.
– بۇرىن بٸز كٶشٸپ كەلگەن كەزدە تۇرعان جەرٸمٸز تٶلقۇجاتىمىزدى بٸردەن الىپ قالاتىن. قازٸر قولدارىنا ۇستاتىپ جٸبەرٸپ, كەيٸن قازاقستانعا تٸركەلەدٸ, ازاماتتىق الادى. سودان كەيٸن عانا قايتا بارىپ, تٶلقۇجات تاپسىرۋ كەرەك ەكەن. ەكٸ ورتادا جٷرەتٸن قارجى تاپشى, زەينەتاقى جەتپەيدٸ. پوشتا ارقىلى جٸبەرٸپ ەدٸك, ٶزٸمٸزگە قايتا كەلدٸ. ول ٷشٸن 110 دوللار اقشا تٶلەۋٸمٸز كەرەك ەكەن. بٸزدە مۇنداي قارجى جوق, – دەيدٸ ە.ساعيەۆ.
ونىڭ ايتۋىنشا, ەكٸ ەل اراسىنداعى كٶشٸ-قون زاڭدىلىقتارى ٶزگەرگەن تۇستا, ٶزبەكستان تاراپىنان قويىلاتىن تالاپتار كٷشەيٸپ, قاراپايىم ادامدار قيىندىققا تاپ بولىپ جٷر. ەرٸ-سەرٸ كٷي كەشكەن ورالمان ەل ٷكٸمەتٸنەن كٶمەك سۇراپ وتىر.
ورالمان ايسەنٸم قوشپانوۆا بٸر اي مەرزٸمٸن ٶتكٸزٸپ الدى. ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸنٸڭ وبلىستىق دەپارتامەنتٸ باسشىسىنىڭ ورىنباسارى جاڭىل ايمۇحامبەتوۆانىڭ ايتۋىنشا, زەينەتكەر ايسەنٸم قوشپانوۆا زاڭ تالاپتارىمەن ەلشٸلٸككە بارىپ, قۇجاتتى تاپسىرۋى تيٸس ەكەن. ال ورالمان قازٸر دەنساۋلىعىنا بايلانىستى دەرٸگەرلەردٸ جاعالاپ جٷر. ول قانت ديابەتٸنە شالدىققان.
– قازٸر ەمحانادا جٷرمٸن. دەنساۋلىعىم ناشارلاپ كەتتٸ. تٸپتٸ, قايدا بارىپ, كٸمنەن كٶمەك سۇرارىمدى بٸلمەيمٸن. وبلىستىق كٶشٸ-قون پوليتسيياسى مەن سەكٸلدٸ ەبٸگەرگە تٷسكەن ادامداردىڭ كٶپ ەكەنٸن ايتتى. ٶزٸم زەينەتاقى الامىن. قىزىمنىڭ ايلىعى – 30 مىڭ تەڭگە. ونى پەتەراقىعا بەرٸپ, زەينەتاقىنى تاماققا جۇمسايمىز. ٷي الۋعا كەزەككە تۇرعانىممەن, ارەندالىق پەتەر 68 مىڭعا شىعىپ, ونى تٶلەي المايتىن بولعان سوڭ باسپانادان باس تارتتىم. مەندە ەشقانداي امال قالمادى, – دەيدٸ كٶپ جٷرٸستەن شارشاعان ورالمان.
التىناي ساعىندىقوۆا
