"بەيتەرەك" ۇلتتىق باسقارۋشى حولدينگٸ "وتباسى بانك" اق-تىڭ جالعىز اكتسيونەرٸ رەتٸندە اتالعان بانكتىڭ ديرەكتورلار كەڭەسٸنٸڭ قۇرامىنان ەرسايىن حاميتوۆتى شىعارىپ ەرٸ ديرەكتورلار كەڭەسٸنٸڭ تٶراعاسى قىزمەتٸنەن بوساتتى. بۇل تۋرالى 19 مامىردا قازاقستان قور بيرجاسىنىڭ سايتىندا اقپارات پايدا بولدى, دەپ حابارلايدى Dalanews.kz.
ونىڭ ورنىنا وتباسى بانكتٸڭ ديرەكتورلار كەڭەسٸنٸڭ تٶراعاسى بولىپ جاندوس شايحى تاعايىندالدى.
ول بۇرىن اتالعان كەڭەسكە "بەيتەرەك" ۇبح ٶكٸلٸ رەتٸندە كٸرگەن بولاتىن. مۇنداي شەشٸم 30 سەۋٸردە قابىلداندى. وسىلايشا, وتباسى بانكٸنٸڭ ديرەكتورلار كەڭەسٸ بەس ادامنان تۇرادى:
- جاندوس شايحى, ديرەكتورلار كەڭەسٸنٸڭ مٷشەسٸ, وتباسى بانكٸ ديرەكتورلار كەڭەسٸنٸڭ تٶراعاسى;
- لەززات يبراگيموۆا, ديرەكتورلار كەڭەسٸنٸڭ مٷشەسٸ, وتباسى بانكٸ باسقارماسىنىڭ تٶراعاسى;
- سانجار جامالوۆ, ديرەكتورلار كەڭەسٸنٸڭ مٷشەسٸ, وتباسى بانكٸنٸڭ تەۋەلسٸز ديرەكتورى;
- نۇرلان توقوباەۆ, ديرەكتورلار كەڭەسٸنٸڭ مٷشەسٸ, وتباسى بانكٸنٸڭ تەۋەلسٸز ديرەكتورى;
- ەلميرا ەرمەكوۆا, ديرەكتورلار كەڭەسٸنٸڭ مٷشەسٸ, وتباسى بانكٸنٸڭ تەۋەلسٸز ديرەكتورى.
ەرسايىن حاميتوۆ 2025 جىلدىڭ اقپان ايىنان باستاپ وتباسى بانكٸنٸڭ ديرەكتورلار كەڭەسٸنٸڭ تٸزگٸنٸن ۇستاعان. ول 2022 جىلدىڭ مامىر ايىنان باستاپ "بەيتەرەك "ۇبح"اق باسقارما تٶراعاسىنىڭ ورىنباسارى - باسقارما مٷشەسٸ بولىپ تابىلادى. جاندوس شايحى 2025 جىلدىڭ اقپان ايىندا وتباسى بانكٸ ديرەكتورلار كەڭەسٸنٸڭ قۇرامىنا الىنعان. ول 2024 جىلدىڭ سەۋٸر ايىنان باستاپ "بەيتەرەك "ۇبح"اق باسقارما تٶراعاسىنىڭ ورىنباسارى بولىپ تابىلادى.
