ەنەرگەتيكا مينيسترلىگى 2025 جىلعى قاڭتار–ءساۋىر ايلارىنداعى ءىرى مۇناي وڭدەۋ زاۋىتتارىنىڭ جۇمىس قورىتىندىلارىن جاريالادى. وعان سايكەس، ەلىمىزدىڭ ءىرى مۇناي وڭدەۋ زاۋىتتارىندا 2025 جىلدىڭ العاشقى ءتورت ايىندا 6،092 ملن توننا مۇناي وڭدەلدى. بۇل كورسەتكىش 2024 جىلدىڭ سايكەس كەزەڭىمەن سالىستىرعاندا 10،8%-عا جوعارى، دەپ حابارلايدى Dalanews.kz.
مينيسترلىك مالىمەتىنشە، وڭدەۋ كولەمىنىڭ ارتۋى ىشكى جانە سىرتقى نارىقتاردا سۇرانىسقا يە نەگىزگى مۇناي ونىمدەرىنىڭ ءوندىرىسىنىڭ ۇلعايۋىنا باستى فاكتور بولدى.
اتاپ ايتقاندا:
- اۆتوموبيل بەنزينى ءوندىرىسى 25،4%-عا ارتىپ، 2،082 ملن توننانى قۇرادى؛
- ديزەل وتىنىنىڭ ءوندىرىسى 18،9%-عا ءوسىپ، 1،921 ملن تونناعا جەتتى؛
- اۆياسيالىق كەروسين ءوندىرىسى 5،3%-عا ارتىپ، 0،255 ملن توننانى قۇرادى.
ەنەرگەتيكا مينيسترلىگى مۇناي وڭدەۋ سالاسىنىڭ تۇراقتى جۇمىسىن قامتاماسىز ەتۋ، ىشكى نارىقتى مۇناي ونىمدەرىمەن سەنىمدى جابدىقتاۋ، سونداي-اق كاسىپورىنداردىڭ تيىمدىلىگى مەن تەحنولوگيالىق دامۋ دەڭگەيىن ارتتىرۋعا باعىتتالعان ستراتەگيالىق شارالاردى ىسكە اسىرۋدى جالعاستىراتىنى دا ناقتىلانادى.
