تەمىر جول ۆوكزالىندا قۇرمەتتى مەيمانداردى قارسى الۋ ءۇشىن قالا باسشىلىعى، ەتنومادەني بىرلەستىكتەر، ۇكىمەتتىك ەمەس ۇيىمدار وكىلدەرى، قالا جاستارى ارنايى كەلدى.
– بۇگىندە وسكەمەن شىعىس قازاقستاننىڭ قارقىندى دامىپ كەلە جاتقان يندۋستريالدى، وندىرىستىك، عىلىمي جانە مادەني ورتالىعى. ءبىزدىڭ قالامىزعا قول كەلدىڭىزدەر! سىزدەردى ەل تاۋەلسىزدىگىنىڭ 25 جىلدىعى قارساڭىندا قارسى الۋ- ءبىز ءۇشىن ۇلكەن قۋانىش. وسى جىلدار ارالىعىنا قازاقستاندىقتار ۇلت كوشباسشىسىمەن بىرگە تاريحي دامۋ كەزەڭىندە ۇلكەن جەتىستىكتەرگە جەتىپ، قۋاتتى قازاقستاننىڭ ىرگەسىن قالادى. حالىق مۇددەسىنە باعىتتالعان يگى ىستەرىڭىزدە ساتتىلىك تىلەيمىز، – دەدى وسكەمەن قالاسى اكىمىنىڭ ورىنباسارى ولگا بۋلاۆكينا.
پوەزد قۇرامىندا 250 مامان كەلدى، ونىڭ 72ء-سى دارىگەر، 7 مينيسترلىكتىڭ وكىلدەرى، 3 ۇلتتىق كومپانيا وكىلدەرى. ماماندار وسكەمەن قالاسىنىڭ بارلىق الەۋمەتتىك توپتارىن قامتىپ، ۇوس ارداگەرلەرى، حالىقتىڭ از قامتىلعان بولىگىنە، شالعاي ىقشام اۋداندار تۇرعىندارىنا باستى نازار اۋدارماقشى.
- ءبىز وسكەمەن قالاسى دەگەندە، ەڭ الدىمەن دوستىقتىڭ التىن بەسىگى، ءوندىرىس ورتالىعى كەندى التايدى ەسكە الامىز. ءبىز ەلورداسى استانادان تاۋەلسىزدىكتىڭ 25 جىلدىعىنىڭ قۇتتىقتاۋى مەن ىستىق سالەمىن الا كەلدىك. ءبىزدىڭ ساپارىمىزدىڭ ماقساتى تەك ناسيحات، تاۋەلسىزدىك جەتىستىكتەرىن ايتۋ عانا ەمەس، ەڭ باستىسى حالىققا قاجەتتى كومەك كورسەتۋ، - دەدى پوەزد شتابى باسشىسى ءامىرجان الپەيسوۆ
مينيسترلىكتەر وكىلدەرى وسكەمەن قالاسىنا كەلىسىمەن ازاماتتاردى قابىلداۋعا كىرىستى. مۇندا وسكەمەندىكتەر الەۋمەتتىك، زاڭدىق، اۋىل شارۋاشىلىعى بويىنشا ءوز ساۋالدارىن تىكەلەي قويۋعا مۇمكىندىگى بار.
№2 قالالىق اۋرۋحانا جانە انا مەن بالا ورتالىعىندا دارىگەرلەر ەرەسەكتەر مەن بالالاردى قابىلداۋ جۇرگىزەدى. مەديسينا مەكەمەلەرىندە نيەۆرولوگ، نەفرولوگ، ۋرولوگ، گەماتولوگ، تراۆموتولوگ، ريەۆماتولوگ، پۋلمونولوگ، پەدياتر، گاستروەنەتەرولوگ، انگيوحيرۋرگ، كارديولوگ، وفتالمولوگ، ونكولوگ، حيرۋرگ ماماندارى تۇرعىندارعا قىزمەت كورسەتەدى.
سونداي-اق، «ءاقپارتتىق-تۇسىندىرۋ جۇمىستارى بويىنشا ارنايى بلوك جوسپارلانعان: 25 جىلدىڭ بەلەستەرى» اتتى قوعام وكىلدەرى مەن جاستار قاتىسۋىمەن قازاقستان تاۋەلسىزدىگىنىڭ 25 جىلدىعىنا ارنالعان لەكسيا-پرەزەنتاسيا، «بەيبىتشىلىك پەن كەلىسىم – قازاقستان برەندى» تاقىرىبىنداعى كەزدەسۋ وتكىزىلەدى.
