Temir jol vokzalynda qurmetti meımandardy qarsy alý úshin qala basshylyǵy, etnomádenı birlestikter, úkimettik emes uıymdar ókilderi, qala jastary arnaıy keldi.
– Búginde Óskemen Shyǵys Qazaqstannyń qarqyndy damyp kele jatqan ındýstrıaldy, óndiristik, ǵylymı jáne mádenı ortalyǵy. Bizdiń qalamyzǵa qol keldińizder! Sizderdi el Táýelsizdiginiń 25 jyldyǵy qarsańynda qarsy alý- biz úshin úlken qýanysh. Osy jyldar aralyǵyna qazaqstandyqtar Ult Kóshbasshysymen birge tarıhı damý kezeńinde úlken jetistikterge jetip, qýatty Qazaqstannyń irgesin qalady. Halyq múddesine baǵyttalǵan ıgi isterińizde sáttilik tileımiz, – dedi Óskemen qalasy ákiminiń orynbasary Olga Býlavkına.
Poezd quramynda 250 maman keldi, onyń 72-si dáriger, 7 mınıstrliktiń ókilderi, 3 ulttyq kompanıa ókilderi. Mamandar Óskemen qalasynyń barlyq áleýmettik toptaryn qamtyp, UOS ardagerleri, halyqtyń az qamtylǵan bóligine, shalǵaı yqsham aýdandar turǵyndaryna basty nazar aýdarmaqshy.
- Biz Óskemen qalasy degende, eń aldymen dostyqtyń altyn besigi, óndiris ortalyǵy kendi Altaıdy eske alamyz. Biz Elordasy Astanadan Táýelsizdiktiń 25 jyldyǵynyń quttyqtaýy men ystyq sálemin ala keldik. Bizdiń saparymyzdyń maqsaty tek nasıhat, Táýelsizdik jetistikterin aıtý ǵana emes, eń bastysy halyqqa qajetti kómek kórsetý, - dedi poezd shtaby basshysy Ámirjan Alpeısov
Mınıstrlikter ókilderi Óskemen qalasyna kelisimen azamattardy qabyldaýǵa kiristi. Munda óskemendikter áleýmettik, zańdyq, aýyl sharýashylyǵy boıynsha óz saýaldaryn tikeleı qoıýǵa múmkindigi bar.
№2 qalalyq aýrýhana jáne Ana men bala ortalyǵynda dárigerler eresekter men balalardy qabyldaý júrgizedi. Medısına mekemelerinde nevrolog, nefrolog, ýrolog, gematolog, travmotolog, revmatolog, pýlmonolog, pedıatr, gastroeneterolog, angıohırýrg, kardıolog, oftalmolog, onkolog, hırýrg mamandary turǵyndarǵa qyzmet kórsetedi.
Sondaı-aq, «aqparttyq-túsindirý jumystary boıynsha arnaıy blok josparlanǵan: 25 jyldyń belesteri» atty qoǵam ókilderi men jastar qatysýymen Qazaqstan Táýelsizdiginiń 25 jyldyǵyna arnalǵan leksıa-prezentasıa, «Beıbitshilik pen kelisim – Qazaqstan brendi» taqyrybyndaǵy kezdesý ótkiziledi.
