وسكەمەن قالاسىندا 1 قىركۇيەكتەن باستاپ 18 جاسقا دەيىنگى بالالار قوعامدىق كولىكپەن تەگىن قاتىنايدى،- دەپ حابارلايدى Dalanews.kz
مۇنداي شەشىم قالالىق ءماسليحات سەسسياسىندا قابىلداندى. قالا اكىمى المات اقىشوۆ بۇل قادام الەۋمەتتىك قولداۋ شارالارىن دامىتۋعا باعىتتالعان كەشەندى باعدارلامانىڭ ءبىر بولىگى ەكەنىن اتاپ ءوتتى.
— بالالاردىڭ قوعامدىق كولىكتە تەگىن ءجۇرۋى — بۇل بولاشاققا سالىنعان ينۆەستيسيا. قالامىزدىڭ جاس تۇرعىندارىن قولداۋىمىز كەرەك، — دەدى ول.
سونداي-اق دەپۋتاتتار باسقا دا ساناتتاعى ازاماتتارعا جەڭىلدىك بەرۋدى قولدادى. اتاپ ايتقاندا، 70 جاستان اسقاندار قوعامدىق كولىكتە 55% جەڭىلدىكپەن جۇرە الادى. ەكىنشى دۇنيەجۇزىلىك سوعىس ارداگەرلەرى، باسقا ەلدەردەگى اسكەري قيمىلدارعا قاتىسقان ارداگەرلەر مەن وسكەمەن قالاسىنىڭ قۇرمەتتى ازاماتتارى تەگىن قاتىنايدى.
بۇدان بولەك، ترامۆايدا ءبىرىنشى توپتاعى مۇگەدەكتەر، ەكىنشى توپتاعى كورۋ قابىلەتى ناشار جاندار، «التىن القا»، «كۇمىس القا» بەلگىلەرىمەن ماراپاتتالعان كوپبالالى انالار، «باتىر انا» اتاعىنىڭ يەگەرلەرى مەن «انا داڭقى» وردەنىنىڭ I جانە II دارەجەلەرىمەن ماراپاتتالعان انالار تەگىن جۇرە الادى. وسىنداي مۇمكىندىك 80 جاستان اسقان تۇرعىندارعا دا بەرىلدى.
— بۇل جەڭىلدىكتەر ەگدە جاستاعى ازاماتتار مەن كوپبالالى انالار ءۇشىن ناقتى كومەك. ءبىراق ءبىز ءۇشىن ەڭ ماڭىزدى شەشىم — وقۋشىلاردىڭ قوعامدىق كولىكتە تەگىن ءجۇرۋى بولىپ وتىر. ەندى بالالار مەكتەپكە، ۇيىرمەلەر مەن سەكسيالارعا ءوز بەتتەرىمەن جانە ءقاۋىپسىز تۇردە بارا الادى. وتباسىلىق بيۋدجەتكە دە قوسىمشا سالماق سالىنبايدى. سوندىقتان بۇل باستامانى ءبىراۋىزدان قولدادىق، — دەدى قالالىق ءماسليحات دەپۋتاتى اندرەي ليۆەرينوۆ.
ايتا كەتەيىك، جەڭىلدىكتەر ءۇشىن قالالىق بيۋدجەتتەن قاراجات بولىنەدى.
