وبلىس ورتالىعىندا ٶسكەمەن-1 ستانتسيياسىنىڭ تەمٸرجول ۆوكزالىن رەكونسترۋكتسييالاۋ جۇمىستارى اياقتالدى, دەپ حابارلايدى dalanews.kz.
جاڭارتىلعان ۆوكزالدىڭ اشىلۋ سالتاناتىنا «سامۇرىق-قازىنا» اق باسقارما تٶراعاسى نۇرلان جاقىپوۆ, شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ جەنە «قازاقستان تەمٸر جولى» ۇك» اق باسشىلىعى قاتىستى.
ٶسكەمەن-1 ستانتسيياسىنىڭ ۆوكزالى 1938 جىلى سالىنعان. جٷرگٸزٸلگەن تەكسەرۋ قورىتىندىسى بويىنشا ەسكٸ عيمارات تولىقتاي بۇزىلىپ, ونىڭ ورنىنا زاماناۋي جاڭا نىسان بوي كٶتەردٸ. ۆوكزالدىڭ جالپى اۋماعى ەكٸ ەسەدەن استام ۇلعايىپ, 858 شارشى مەتردەن 1,8 مىڭ شارشى مەترگە جەتتٸ.
جاڭا ۆوكزال قاۋٸپسٸزدٸككە, جولاۋشىلار اعىنىن ۇيىمداستىرۋعا جەنە جولاۋشىلارعا قولايلى جاعداي جاساۋعا قويىلاتىن زاماناۋي تالاپتار ەسكەرٸلە وتىرىپ جوبالانعان. ينجەنەرلٸك كوممۋنيكاتسييالار جاڭارتىلىپ, پەررون رەكونسترۋكتسييالاندى, ۆوكزال اۋماعى اباتتاندىرىلدى.
«ۆوكزالدىڭ قاۋٸپسٸزدٸگٸ مەن قولجەتٸمدٸلٸگٸنە ەرەكشە كٶڭٸل بٶلٸندٸ. قوزعالىسى شەكتەۋلٸ جولاۋشىلار ٷشٸن ليفتٸلەر, ەسكالاتور, كٶتەرگٸش پلاتفورمالار جەنە تاكتيلدٸ ناۆيگاتسييا قاراستىرىلعان. ۆوكزال زاماناۋي بەينەباقىلاۋ جەنە ٶرت قاۋٸپسٸزدٸگٸ جٷيەلەرٸمەن جابدىقتالعان», – دەدٸ «سامۇرىق-قازىنا» اق باسقارما تٶراعاسى نۇرلان جاقىپوۆ.
ۆوكزال كٷن سايىن 2 مىڭنان استام جولاۋشىعا قىزمەت كٶرسەتەدٸ. ستانتسييا ارقىلى ٶسكەمەندٸ استانا, الماتى, اياگٶز, جەزقازعان, قاراعاندى جەنە دوستىقپەن بايلانىستىراتىن 12 جولاۋشىلار پويىزى قاتىنايدى.
ٶسكەمەن-1 ۆوكزالىن رەكونسترۋكتسييالاۋ مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ەلٸمٸزدە جٷزەگە اسىرىلىپ جاتقان تەمٸرجول ۆوكزالدارى مەن ولاردىڭ ينفراقۇرىلىمىن جاڭعىرتۋ جٶنٸندەگٸ اۋقىمدى باعدارلاما اياسىندا جٷرگٸزٸلدٸ. بيىل ەل بويىنشا 124 ۆوكزالدىڭ 121-ٸن جاڭعىرتۋ جوسپارلانعان.
شىعىس قازاقستان وبلىسىندا اتالعان باعدارلاما اياسىندا بەس تەمٸرجول ۆوكزالىن رەكونسترۋكتسييالاۋ كٶزدەلگەن. ونىڭ تٶرتەۋٸ - شەمونايحا, ريددەر, التاي قالالارىنداعى جەنە كٷمٸستاۋ ستانتسيياسىنداعى نىساندار پايدالانۋعا بەرٸلدٸ. جاڭارتىلعان ٶسكەمەن-1 ۆوكزالىنىڭ ٸسكە قوسىلۋى ٶڭٸردەگٸ وسى جۇمىس كەزەڭٸن تولىق اياقتايدى.
«جاڭا تەمٸرجول ۆوكزالى شىعىس قازاقستاننىڭ ەلەۋمەتتٸك-ەكونوميكالىق دامۋىندا ماڭىزدى رٶل اتقارادى. ول كٶلٸك قولجەتٸمدٸلٸگٸن قامتاماسىز ەتٸپ, وبلىستى ەلٸمٸزدٸڭ باسقا ٶڭٸرلەرٸمەن بايلانىستىرادى. ۆوكزالدى جاڭعىرتۋ جولاۋشىلارعا نەعۇرلىم قولايلى جاعداي جاساۋعا, قىزمەت كٶرسەتۋ ساپاسىن ارتتىرۋعا جەنە ينفراقۇرىلىمدى ٶسٸپ كەلە جاتقان جولاۋشىلار اعىنىنا بەيٸمدەۋگە مٷمكٸندٸك بەرەدٸ. بٸر باعدارلاما اياسىندا بەس ۆوكزالدى جاڭعىرتتىق. بٷگٸن جاڭارتىلعان ٶسكەمەن-1 ۆوكزالىنىڭ اشىلۋىمەن وسى جۇمىس كەزەڭٸن اياقتاپ وتىرمىز. بۇل – وبلىس ورتالىعىنداعى نەگٸزگٸ تەمٸرجول ۆوكزالى. مۇندا كٷن سايىن مىڭداعان جولاۋشى قاتىنايدى. سوندىقتان ولاردىڭ زاماناۋي ەرٸ جايلى قىزمەت تٷرلەرٸن پايدالانۋى ماڭىزدى», – دەدٸ شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ.
ايتا كەتەيٸك, جوبا «قازاقستان تەمٸر جولى» ۇك» اق تاراپىنان قازاقستان رەسپۋبليكاسى ٷكٸمەتٸنٸڭ, «سامۇرىق-قازىنا» اق-نىڭ, كٶلٸك مينيسترلٸگٸنٸڭ جەنە شىعىس قازاقستان وبلىسى ەكٸمدٸگٸنٸڭ قولداۋىمەن جٷزەگە اسىرىلدى.
