الماتى پروكۋرورلارى 960 گەكتار جەردى ۇلتتىق بانكتىڭ پايداسىنا قايتارىپ بەردى. الماتى پروكۋراتۋراسى سوت اكتىلەرى مەن سوت ۇكىمدەرىن تالداۋدىڭ نەگىزىندە "Capital Bank Kazakhstan» اق مەن "AsiaCreditBank" اق تاراتىلعان بانكتەردىڭ جالعىز اكسيونەرى سانالاتىن بورىشكەردىڭ اكتيۆتەرى شىعارىلعانىن انىقتادى، - دەپ حابارلايدى Dalanews.kz.
جاۋاپ بەرۋشىنىڭ قارىزى 15 ميلليارد تەڭگەدەن اسادى.
"پروكۋراتۋرا ق ر ۇلتتىق بانكىنىڭ مۇددەسىنە "ش"-نىڭ جەر ۋچاسكەلەرىن ساتۋ-ساتىپ الۋ شارتتارىن جارامسىز دەپ تانۋ جونىندە تالاپ ارىز بەردى.
الماتى وبلىسى ىلە اۋداندىق سوتىنىڭ شەشىمىمەن الماتى قالاسى پروكۋراتۋراسىنىڭ تالاپ-ارىزدارى تولىق كولەمدە قاناعاتتاندىرىلدى"، - دەپ جازىلعان حابارلامادا.
سوت القاسىنىڭ قاۋلىسىمەن سوت اكتىسى ءوز كۇشىندە قالدىرىلدى.
ايتا كەتەيىك، بىلتىر شىلدەدە المالى اۋداندىق سوتى شادييەۆتى 1 جىل 6 ايعا باس بوستاندىعىنان ايىردى. ايىپتاۋ نۇسقاسى بويىنشا شادييەۆ "AsiaCredit Bank" باسشىسى بولا تۇرا، بۇرىن بەرىلگەن نەسيەلەر بويىنشا ءوتىمدى كەپىلدى قامتاماسىز ەتۋگە اۋىستىرىپ، جالپى سوماسى 16 ميلليارد تەڭگەدەن اسا الاياقتىق جاساعان.
