Almaty prokýrorlary 960 gektar jerdi Ulttyq banktiń paıdasyna qaıtaryp berdi. Almaty prokýratýrasy sot aktileri men sot úkimderin taldaýdyń negizinde "Capital Bank Kazakhstan» AQ men "AsiaCreditBank" AQ taratylǵan bankterdiń jalǵyz aksıoneri sanalatyn boryshkerdiń aktıvteri shyǵarylǵanyn anyqtady, - dep habarlaıdy Dalanews.kz.
Jaýap berýshiniń qaryzy 15 mıllıard teńgeden asady.
"Prokýratýra QR Ulttyq bankiniń múddesine "Sh"-nyń jer ýchaskelerin satý-satyp alý sharttaryn jaramsyz dep taný jóninde talap aryz berdi.
Almaty oblysy İle aýdandyq sotynyń sheshimimen Almaty qalasy prokýratýrasynyń talap-aryzdary tolyq kólemde qanaǵattandyryldy", - dep jazylǵan habarlamada.
Sot alqasynyń qaýlysymen sot aktisi óz kúshinde qaldyryldy.
Aıta keteıik, byltyr shildede Almaly aýdandyq soty Shadıevti 1 jyl 6 aıǵa bas bostandyǵynan aıyrdy. Aıyptaý nusqasy boıynsha Shadıev "AsiaCredit Bank" basshysy bola tura, buryn berilgen nesıeler boıynsha ótimdi kepildi qamtamasyz etýge aýystyryp, jalpy somasy 16 mıllıard teńgeden asa alaıaqtyq jasaǵan.
