"ريددەر، ءبىز بىرگەمىز!" اكسياسى 2021 جىلعى 10 مامىردا بولعان ورتتەن كەيىن باسپاناسىز قالعان وتباسىلارعا كومەك كورسەتۋگە باعىتتالعان.
بۇل رەتتە، ايتا كەتۋ كەرەك، شقو-نىڭ بارلىق دەڭگەيدەگى اكىمدىكتەرىنىڭ، باسقارمالارى مەن مەملەكەتتىك مەكەمەلەرىنىڭ قىزمەتكەرلەرى ءبىر كۇندىك جالاقىسىن ريددەر قالاسىنىڭ "بىرلىك" قورىنا اۋدارۋدا.
قازىرگى ۋاقىتتا وبلىس بويىنشا ورتتەن زارداپ شەككەندەرگە گۋمانيتارلىق كومەك جيناۋ ناۋقانى ۇيىمداستىرىلدى. "Nur Otan" پارتياسىنىڭ شىعىس قازاقستان وبلىستىق فيليالى #Birgemiz اكسياسىن جاريالادى، اكسيا شەڭبەرىندە ءبىرىنشى قاجەتتىلىكتەگى زاتتار، قۇرىلىس ماتەريالدارىن جيناقتاۋدۆ. سونىمەن قاتار، وڭىرلىك كاسىپكەرلەر پالاتاسى قيىن ۋاقىتتا ەشقاشان شەتتە قالماعان شىعىس كاسىپكەرلەرىن تاعى ءبىر مارتە وزدەرىنىڭ الەۋمەتتىك جاۋاپكەرشىلىكتەرىن كورسەتۋگە جانە ريددەرلىكتەرگە قولدان كەلگەنشە كومەك كورسەتۋگە شاقىرادى.
وبلىس ءدىنباسىلارى "قايىرىمدى بولساڭ، قايىرىمىن ءوزىڭ كورەسىڭ" اكسياسىن ۇيىمداستىردى. ازىق-تۇلىك، اقشالاي قاراجات، كيىم جانە ت.ب. زاتتار "حاليفا التاي" مەشىتىندە، سونداي-اق وبلىستىڭ قالالارى مەن اۋداندارىنىڭ مەشىتتەرىندە قابىلدانادى.
ايتا كەتۋ كەرەك، بۇگىن شقو قحا، د. سەرىكبايەۆ اتىنداعى شقتۋ "جاقسىلىقتى بىرگە جاسايمىز" ەرىكتىلەر قوزعالىسى قالاعا گۋمانيتارلىق كومەك جىبەردى.
سونداي-اق، الەۋمەتتىك جەلىدە وبلىس اكىمدىگىنىڭ اتىنا ءوڭىردىڭ بۇل جاعدايعا بەي-جاي قارامايتىن ازاماتتارىنان دا حاتتار كەلىپ تۇسۋدە. ماسەلەن، وسكەمەندىك كاسىپكەر يساتاي انسات اكىمشىلىك عيمارات پەن ۋچاسكەسىنىڭ قاجەتتى بولىگىن تۇرعىن ءۇي رەتىندە جوندەۋ جۇمىستارىن جۇرگىزىپ، ودان كەيىن زارداپ شەككەن وتباسىلارىنىڭ مەنشىگىنە بەرۋ ءۇشىن تەگىن بەرەتىندىگى تۋرالى نيەتىن بىلدىرگەن حات جاريالادى. حابارلامادا ايتىلعانداي، بۇل شامامەن 3800 شارشى مەتر اكىمشىلىك عيماراتتان تۇراتىن بۇرىنعى اسكەري ءبولىمنىڭ عيماراتى.
سونىمەن قاتار، "قازمىرىش" كومپانياسى ۇيلەرى ورتەنىپ كەتكەن بارلىق وتباسىلارعا 1 ميلليون تەڭگەدەن بولىنەتىنىن حابارلادى.
ايتا كەتەيىك، كەشە وقيعا ورنىنا شۇعىل جەتكەن وبلىس اكىمى دانيال احمەتوۆ جاعدايدى ءوز باقىلاۋىنا الىپ، ەشبىر وتباسى باسپاناسىز قالمايتىنىن جاريالاعان بولاتىن.
ەستەرىڭىزگە سالا كەتەيىك، قازىرگى ۋاقىتتا زارداپ شەككەندەرگە ماتەريالدىق قاراجات جيناۋ ءۇشىن "بىرلىك" قورىنىڭ شوتىن اشىلعان.
KZ094809KZT22031440
