"Ridder, Biz birgemiz!" aktsiiasy 2021 jylǵy 10 mamyrda bolǵan órtten keiin baspanasyz qalǵan otbasylarǵa kómek kórsetýge baǵyttalǵan.
Bul rette, aita ketý kerek, ShQO-nyń barlyq deńgeidegi ákimdikteriniń, basqarmalary men memlekettik mekemeleriniń qyzmetkerleri bir kúndik jalaqysyn Ridder qalasynyń "Birlik" qoryna aýdarýda.
Qazirgi ýaqytta oblys boiynsha órtten zardap shekkenderge gýmanitarlyq kómek jinaý naýqany uiymdastyryldy. "Nur Otan" partiiasynyń Shyǵys Qazaqstan oblystyq filialy #Birgemiz aktsiiasyn jariialady, aktsiia sheńberinde birinshi qajettiliktegi zattar, qurylys materialdaryn jinaqtaýdv. Sonymen qatar, óńirlik Kásipkerler palatasy qiyn ýaqytta eshqashan shette qalmaǵan Shyǵys kásipkerlerin taǵy bir márte ózderiniń áleýmettik jaýapkershilikterin kórsetýge jáne ridderlikterge qoldan kelgenshe kómek kórsetýge shaqyrady.
Oblys dinbasylary "Qaiyrymdy bolsań, qaiyrymyn óziń kóresiń" aktsiiasyn uiymdastyrdy. Azyq-túlik, aqshalai qarajat, kiim jáne t.b. zattar "Halifa Altai" meshitinde, sondai-aq oblystyń qalalary men aýdandarynyń meshitterinde qabyldanady.
Aita ketý kerek, búgin ShQO QHA, D. Serikbaev atyndaǵy ShQTÝ "Jaqsylyqty birge jasaimyz" eriktiler qozǵalysy qalaǵa gýmanitarlyq kómek jiberdi.
Sondai-aq, áleýmettik jelide oblys ákimdiginiń atyna óńirdiń bul jaǵdaiǵa bei-jai qaramaityn azamattarynan da hattar kelip túsýde. Máselen, óskemendik kásipker Isatai Ansat ákimshilik ǵimarat pen ýchaskesiniń qajetti bóligin turǵyn úi retinde jóndeý jumystaryn júrgizip, odan keiin zardap shekken otbasylarynyń menshigine berý úshin tegin beretindigi týraly nietin bildirgen hat jariialady. Habarlamada aitylǵandai, bul shamamen 3800 sharshy metr ákimshilik ǵimarattan turatyn burynǵy áskeri bólimniń ǵimaraty.
Sonymen qatar, "Qazmyrysh" kompaniiasy úileri órtenip ketken barlyq otbasylarǵa 1 million teńgeden bólinetinin habarlady.
Aita keteiik, keshe oqiǵa ornyna shuǵyl jetken oblys ákimi Danial Ahmetov jaǵdaidy óz baqylaýyna alyp, eshbir otbasy baspanasyz qalmaitynyn jariialaǵan bolatyn.
Esterińizge sala keteiik, qazirgi ýaqytta zardap shekkenderge materialdyq qarajat jinaý úshin "Birlik" qorynyń shotyn ashylǵan.
KZ094809KZT22031440
