2022 جىلى ماڭعىستاۋ وبلىسىنىڭ بەينەۋ اۋىلىندا جەرگىلىكتى لوتو-كلۋبقا قاساقانا وت قويعان ازاماتتىڭ ارەكەتى الەۋمەتتىك جەلىلەردە كەڭ تاراعان ەدى. وقيعا 3 اقپان 2022 جىلى تىركەلگەن. سول ورتكە كۇدىكتى ازامات بوستاندىققا شىقتى دەگەن اقپارات تارادى، دەپ حابارلايدى Dalanews.kz
تەرگەۋ جانە سوت پروسەسىندە ونىڭ ويىن كلۋبىن ادەيى ورتەپ، بۇل ارەكەتىن ءوزى ۆيدەوعا ءتۇسىرىپ، جەلىگە بىرنەشە مارتە جۇكتەگەنى انىقتالدى.
سول جىلدىڭ تامىز ايىندا شىعارىلعان ۇكىمگە سايكەس، سوت ايىپتالۋشىنى التى جىل ەمەس، 5 جىل شارتتى جازاعا كەسىپ، بوستاندىعىندا قالدىرعان.
شىن مانىندە، وقيعا جاي عانا «ءورت شىقتى» دەگەن تۇسىنىكتەن الدەقايدا اۋىر - ايىپتالۋشى كلۋبتى تولىقتاي ورتەپ، ونى جۇرتشىلىققا جاريا تۇردە كورسەتۋگە تىرىسقان.
