29 قاراشادا تاشكەنتتە ورتالىق ازييا باسشىلارىنىڭ ەكٸنشٸ كونسۋلتاتيۆتٸ كەزدەسۋٸ ٶتەدٸ.
جيىنعا قاتىسۋ ٷشٸن قازاقستاننىڭ بۇرىنعى پرەزيدەنتٸ نۇرسۇلتان نازارباەۆ 28 قاراشادا كەشكٸسٸن تاشكەنتكە باردى.
تاشكەنت حالىقارالىق ەۋەجايىندا نازارباەۆتى ٶزبەكستان پرەمەر-مينيسترٸ ابدۋللا اريپوۆ كٷتٸپ الدى.
تەجٸكستان پرەزيدەنتٸ ەمومالي راحمون دا تاشكەنتكە باردى.
بٸرەر كٷن بۇرىن عانا تٷركٸمەنستان باسشىسى گۋربانگۋلى بەردٸمۇحامەدوۆ جۇمىس ساپارىمەن ٶزبەكستانعا بارىپ, ەل پرەزيدەنتٸ شاۆكات ميرزيياەۆپەن كەزدەسكەن بولاتىن. ەزٸرگە ونىڭ ورتالىق ازييا باسشىلارىنىڭ جيىنىنا قاتىساتىنى, نە قاتىسپايتىنى بەلگٸسٸز.
قىرعىز پرەزيدەنتٸ سوورونباي جەەنبەكوۆ تە ٶزبەكستانعا ۇشىپ باردى. ونىڭ ٶزبەك پرەزيدەنتٸمەن ەكٸجاقتى كەزدەسۋٸ جوسپارلانعان.
2018 جىلدىڭ ناۋرىز ايىندا قازاق استاناسىندا ورتالىق ازييا ەلدەرٸ ليدەرلەرٸنٸڭ العاشقى كونسۋلتاتيۆتٸ كەزدەسۋٸ ٶتكەن.
ەكٸنشٸ كەزدەسۋ بيىل ناۋرىز ايىندا تاشكەنتتە جوسپارلانعان ەدٸ. بٸراق ٶزبەكستان تارابى كەزدەسۋدٸ كٷزگە شەگەردٸ.
بۇل جيىندى جٷيەلٸ تٷردە ٶتكٸزۋگە باستاما ەتٸپ كٶتەرگەن ٶزبەك پرەزيدەنتٸ بولعان.
