جوعارى ساپالى ءبىلىم – بۇگىنگى تاڭداعى نەگىزگى ماسەلە. ءبىلىمنىڭ ساپاسىن باعالاۋ مۇمكىندىگى وزەكتى قادامنىڭ ءبىرى بولعاندىقتان، ورتا جانە كاسىبي ءبىلىمنىڭ ساپاسى، كىتاپحانا قورى، ءبىلىم الۋشىلاردىڭ دەڭگەيى بولاشاقتا جۇمىس بەرۋشىلەر ءۇشىن ءاردايىم ماڭىزدى.

سونىمەن قاتار، نەگىزگى كريتەرييلەردىڭ ءبىرى – ءبىلىم العان جاس مامانداردىڭ جۇمىسپەن قامتىلۋ كورسەتكىشى. ءبىلىم الۋشىلار جوعارى وقۋ ورىندارىنان الاعان ءبىلىمىنىڭ ساپاسىن جانە ومىرلىك قاجەتتىلىگىن جۇمىس بارىسىندا عانا انىقتاي الادى. باستى ماقسات بولاشاق جاس مامانداردىڭ وسى ءبىلىم مەن داعدىلارىن دۇرىس باعىتتا قولدانا الۋىندا. بۇل ارادا جۇمىس بەرۋشىنىڭ 4 جىلدىق بىلىمگە قانداي باعا بەرەتىندىگى نازاردان تىس قالماۋى ءتيىس. ماسەلەن، ەگەر جۇمىس بەرۋشى ماماننىڭ ءبىلىمىن جوعارى باعالايتىن بولسا، ناتيجەسىندە مامانداردىڭ جۇمىسپەن قامتىلۋى مەن جالاقىسى جوعارى بولاتىندىعى انىق. ال ماماننىڭ ءبىلىمىنىڭ دەڭگەيى مەكتەپ قابىرعاسىنان قالىپتاساتىن بويىنداعى قابىلەتىنە بايلانىستى.

بۇگىنگى تاڭدا ورتا جانە جوعارى ءبىلىمدى باعالاۋ نەگىزگى باستاما بولىپ وتىر. جاستاردىڭ باسەكەگە قابىلەتتى بولۋى ورتا ءبىلىم ورداسى – مەكتەپ قابىرعاسىنان باستالاتىنى بارىمىزگە ءمالىم. ءبىلىمنىڭ باستاۋى ۇستازدار ەكەندىگىن ەسكەرە وتىرىپ، ەلباسىمىز ۇستازداردىڭ مارتەبەسىن نازاردان تىس قالدىرماعان. ەلباسىنىڭ مەكتەپ وقىتۋشىلارىنىڭ مارتەبەسىن كوتەرۋدەگى باستامالارى بولاشاق ستۋدەنتتەردىڭ ءبىلىمىنىڭ دەڭگەيىنە جانە مامانداردىڭ ساپاسىنا دەگەن اسەرى مول دەپ بىلەمىن.  سەبەبى، وقىتۋشىنىڭ ءبىلىمى جەتىلسە،  ءبىلىم الۋشىلاردىڭ العان ءبىلىمىنىڭ دە ساپاسى ارتادى. ءبىلىم باعىتى مەن ءبىلىم بەرۋشى تۇلعالار ءاردايىم نازاردا بولۋى ءتيىس، اتالمىش سالاداعى قاجەتتىلىكتەر سارالانىپ، مۇمكىندىكتەر قاراستىرىلىپ وتىرۋ كەرەك دەپ ويلايمىن. ارينە، ەلباسىنىڭ قولداۋىنا ساي بولۋ ءۇشىن مەكتەپ قابىرعاسىنداعى جانە جوعارى وقۋ ورىندارىنداعى مامانداردىڭ بىلىكتىلىگىن ارتتىرۋ ەڭ ماڭىزدى تالاپ. ويتكەنى بىلىكتى ۇستازدارىمىزدان تالاپتى ستۋدەنتتەر، ساۋاتتى تۇلەكتەر، زامان تالابىنا ساي تۇلعا قالىپتاسادى.

قازىرگى تاڭدا ەلباسى نۇرسۇلتان نازاربايەۆ جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنتتەردىڭ جاتاقحاناداعى جاعدايىن جاقسارتۋ ماسەلەلەرىن كوتەرىپ وتىر. ءبىلىم بەرۋ جۇيەسىن دامىتۋ ماسەلەلەرىنە ات سالىسىپ، ەلىمىزدىڭ جاستارىنا دەمەۋ بولۋ ءار ۇستازدىڭ مىندەتى. ولاردىڭ الداعى ۋاقىتتا جۇمىسپەن قامتىلۋى ءبىلىم دەڭگەيىنە بايلانىستى. سوندىقتان ءبىزدىڭ زامان تالابىنا ساي، تەحنولوگيالاردى مەڭگەرگەن، العىرلىق قابىلەتىمەن كوزگە تۇسەتىن، ەڭبەك نارىعىندا سۇرانىسقا يە ۇرپاقتى مەكتەپ جانە جوعارى وقۋ ورنى بولىپ دەمەۋ كورسەتۋ كەرەكپىز.

 

ەلميرا ماجەنبايەۆا، №141 جالپى ءبىلىم بەرەتىن مەكتەبىنىڭ باستاۋىش سىنىپ ءمۇعالىمى.

الماتى قالاسى